السلام عليكم ورحمه الله وبركاته،
اختي الكريمة لقيه،
بالنسبة لمواقع الزواج انا قد تكلمت عنها في احد المواضيع، وانا شخصيا لا اجدها مكان مناسب للبحث عن زوج/زوجه، بسبب بسيط وهو انعدام الجديه من الكثير من المشتركين في هذه المواقع...
لكن ما يمنع ان الواحد يسوي له ملف في مواقع الزواج، ويشوف اذا ربي كاتب له نصيب...
بعدين اختي الكريمة مسأله سماع الصوت، ما اجد لها اي اهميه في موضوع الزواج، يعني بالله ليش يبي يسمع صوتكي بينزل لكي البوم غنائي في السوق!!!
والرجال الجاد واللي شاريكي ويهمه فعلا موضوع الصوت، يتقدم لكي بصفة رسميه ويسمع صوتكي لين يشبع!!!
اختي الكريمة انا ما اتصور ان فيه احد جاد في التقدم لكي ويطلب يسمع صوتكي!!!
والله انا ما ارضى لنفسي ولا للبنت اللي بتقدم لها اني اكلمها بالجوال او اي وسيله ثانية قبل ما يصير فيه شي رسمي واهلها يدرون(مع العلم اني شخص عادي ولا نيب متدين)، واتصور معضم الشباب اذا موب كلهم نفس الشئ...
بعدين صراحة لاحظت شي غريب مؤخرا، صار كثير من الناس يتعذرون في موضوع الزواج ويجلسون يكلمون بالجوال، وهو لسى ما صار بينهم لا خطبة ولا حتى نية خطبة وهذا غلط وما يصير...
يمكن بعض الناس يسوون هالشي بحسن نية، ويكون فعلا قصدهم الزواج، لكن يضل الغلط غلط...
يعني بالله انا وش اللي يربطني بالبنت عشان اكلمها كل يوم بالجوال!!!
معليش الواحد اذا شاف ان الموضوع جدي وان شاء الله في نية زواج، يسوي له ايميل "جديد"، ويقدر يتبادل ايميلات بينه وبين الشخص اللي حاب يتعرف عليه اكثر، عشان يقيم الموضوع يشوف اذا فيه توافق ونصيب، ولا كلن يروح لحال سبيله...
لكن مسأله اكلم جوال او اجلس على الماسنجر ساعات، هذي تخلي الواحد صدق يشك ان الموضوع تضيع وقت وتسلية ولا هوب جدي ابدا...
على العموم الله يوفقي ياختي ويرزقكي بولد الحلال اللي يسعدكي ان شاء الله،
أخوكي
Mort Vivant