وعليكم السلام ورحمة الله وبركاته
رمضان كريم عزيزتي هداية اعاده الله عليكي وعلى احبابك بالخير والبركة

كنت قبل اعمل بالحديث الشريف وكلني سعادة لاني والحمدلله بشوف انو ربي رزقني نعمة كبيرة وهيي القناعة

كان يبين عملي بالحديث الشريف باندفاعي ويظهر هالشي واضح عليي لحد ما اعتبرني البعض اني ساذجة لانو ما بعرف ميز بين اصناف الناس

وانطعنت من ناس كنت من كل قلبي فرحانة لفرحهن او بالاحرى اتمنى الهن الافضل واعطيتهن نصائح كرمال ما يمروا باللي مريت فيه وكرمال يتجنبوا اي ألم او معاناة

بس سبحان الله ربنا يمهل ولا يهمل برم الدولاب وانكشفت الناس على حقيقتها وخلاني شوف بعيني واشخاص غيري شافوا بأعينهم كيف اللي اتمنيتلهن الخير اتمنولي الشر

بس من بعدها اعطوني درس اني عد للالف قبل ما يبين اندفاعي وقبل ما اعمل منيح
صار عندي حذر واوقات كنت ابكي ليش غيروا الشي الحلو فيني

بعد فترة وصلت لقناعة انو ادعي لكل شخص على حسب نيته يا رب ترزقه على قد نيته وربنا وحده اعلم بالنوايا
ولحد الآن ما بتمنى الأذى لغيري
بس اوقات من كتر الظلم اللي بنتلقاه بدون سبب وبنكون دايما بننصحهن باحسان الظن
بس للاسف بنلاقي العكس
فبنوكل امرنا لرب العباد
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه