للأسف أصريت جدا لحد ما اعترف انه فعلاً راح .
انا وقتها جلست أبكي بقوة
قلت له شلون يعني انا بزر تسكتني العام وتمثل انك متأثر من كلامي؟
قال لا كننا اصلاً بمشاكل وماحبيت انا نزيد التصادم
قلت بصراحة وعلى بلاطة ومن الاخر انا كل الاسابيع اللي راحت كنت استخير بالطلاق
وكنت عارفة انك رايح بس بشوف الى اي درجة هاين عليك تستغفلني ومكمممل
انا من حقي زوج يكون كبير بعيني ، احترامي وحبي ومشاعري وحتى رغبتي الجنسية واقفة ع نظرتي لك ك زوج
ومستحيل اشوفك بنفس النظرة وانت جالس بين شواذ يرقصون
قال انا رايح لان ربعي كلهم رايحين كل جمعتنا ( واحد من اصدقاءه يعطونه العمل تذاكر مجانية لكل مهرجان ترفيهي بالرياض)
قلت وانت وين رايك المستقل ؟ صراحة عذر اقبح من ذنب
عساهم انسبطوا ربعك وهم يرقصون بين بنات سكرانات وشواذ هذا جوهم الحين وهي متعتهم ؟!
قال انا اصلا مانبسط وانجنيت قلت لصديقي نطلع
وسكّته قلت بالضبط زي كلامك العام وهذاك رحت تركض ركض له
انا ثقتي فيك انعدمت
وانا جالسة اقولك الشك اذا دخل بين زوجين راح يدمر الزواج ..
انا ما ابغى اتحول لامك اوقف لك ع الطالعة والداخلة
انا ابغى اعيش مرتاحة ابغى انام جمب رجل واثقة فيه وهالشيء مفقود عندي
انا ما اثق فيك .
وانا وانت صرنا مختلفين
انا محافظة ومن حقي اتزوج محافظ زيي ، من اقل حقوقي
وانت خذ لك متفتحة زيك لان الواضح حدودك الدينية معدومة وانا مارح احكمك
تزوج وحدة زي جوك
وطلعني من جو القرف هذا

انصدم هو ع نقطة ذكري لحدوده الدينية قام يحاجج انا حدودي الدينية معدومة؟؟
وانا دخلت بعينه ااييه خطوطك الحمراء فضفاضة جدا وممتدة
وقلت له ع فكرة ترا الايام اللي راحت تدري وش الموقف اللي جاء ع بالي ؟
مرة رجع من انتداب خارجي وصادف انا مريت بظرف نسائي واضطرينا نستعمل مضاد سوا
قلت تدري ايش الفكرة اللي ببالي ؟ انك انت جبته لي من برا
ايه ايه وصلتني لهالمرحلة
انجن اعوذ بالله الا هذا
قلت له كلها خطوات اليوم ترقص مع شواذ بكره بتستسهل حتى الحرام

قلت له افكار عقلي اني فعليا جالسة اقلب بفكرة الانفصال
وقلت له قلبي يقول انتظري اجلسي صدقيه عطيه فرصة
بس عقلي يقول صدقتيه مرة وكذب اطلعي الحين بولدين افضل الف مرة من اني اطلع بعدين ومعي اطفال اكثر

جلس يبرر وقال اني والله كلمت صديقي نطلع مو مكاننا وخلينا نطلع ، قاطعته قلت ايه ايه صدقتك زي ماقلت العام بالضبط.

قال انا للان احس انه مو بالجرم اللي تشوفينه ترا محد عليه من احد ولا كنت اظن ان الموضوع يعنيلك هالكثر
واعتذر وقال خلاص حقك علي واذا انتي قعلا ماسكة معك لهالدرجة الحفل قضينا اوعدك ماعاد اطبه
وكان يبغى يتكلم اكثر بس انا تشبعت وصدعت وقمت عنه .
قبل ما اطلع التفت قلت تدري وش اكثر شيء كنت شايلة همه؟
اني اكلم ابوي .. مستحية اكلمه واقوله وانا اللي 11 سنة متزوجة عمري ماتكلمت عنك بالشينة . وطلعت

مشاعري حرفيا ما اعرف هو كره هو صدمة هو اشمئزاز
ما اقدر حتى اطالعه . الاي كونتاكت معدوم
وكلامي معاه قليل حتى ما اقول له ولا سالفة

قبل شوي قال نطلع رفضت قلت عندي شغل
ماعندي شيء بس والله مو حابة اقضي معاه وقت

الله بس يعين ع هالدنيا .
مادري ايش مفروض اسوي .. مادري ايش الخطوة القادمة 😂

__________________
سبحان الله وبحمده ، سبحان الله العظيم