منتدى عالم الأسرة والمجتمع - عرض مشاركة واحدة - سؤال إلى أهل المدينة المنورة

24-01-2011, 12:56 AM

شاطئ المحبة

كبار شخصيات المنتدى

تاريخ التسجيل: Apr 2006

المشاركات: 2,644

رحلة سعيدة أختي مس بلو ..

وفي مطعم هندي في شارع الملك فهد اسمه مطعم ( طباق ) يجي منو

وكمان لا يفوتك الآيس كريم التابع لحلويات طيبة أو ( البرديسي إخوان ) ..

عندي استفسار لأهل المدينة ..

يا إخوان أنا لي 11 سنة أدور على مطعم شامي اسمه ( سلطاني ) بس ماني ملاقيه تقول انشقت الأرض وبلعته ..

ياخي كان مطعم مشهور والناس عليه زي الرز ..

والله مطعم تحفة وأتعب وأنا أقول تحفة لكن ما أدري فين راح حتى أصحاب التكاسي ما هم عارفين مكانه وكل ما أقولهم أبغى مطعم سلطاني يودوني شارع سلطانة ..

فالله يرضى عليكم اللي يعرف أي معلومات عنه أو يعرف أي أحد ممكن يدلنا عليه لا يتردد ومكافأته محفوظة ..

على فكرة هو لمن اختفى كانت لوحته حمراء والكتابة بالبرتقالي وأعلنا عنه في الجرايد لكن ما في أي خبر عنه

من أهم ما يميز المطعم إنه كان يسوي أكلة مررررررررررة جووناااان اسمها ( عيش باللبن ) ..

لكن يا حسرة يا قلبي ضاع المطعم وضعت أنا من بعده

أستنى أي رد من الإخوان يكون له الفضل بعد الله في لم شمل اثنين ضايعين لهم أكثر من 11 سنة

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!