كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: الفجوة العاطفية بين الزوجين
بالفعل بضم صوتي لصوت اللي سبقوني انو عرفتي عزيزتي مؤيدة ترجمي الفجوة العاطفية ووصلتيها لكل حالة مرت فيها ولو اختلفت الشخصيات والاسباب
ماشاءالله عليكي ما اتفاجأت لانو عرفت وراء حروفك في المنتدى توجد امرأة لها شخصية مميزة وفكر حكيم
ماشاءالله تبارك الرحمان
ومن خلال خبرتي القليلة بالحياة شفت امثلة لبعض الاشخاص وبالفعل عاشوا ولهلئ عايشين بالفجوة العاطفية
وما عارفين السبب اللي وصلهن لهالمرحلة
بل ظنوا انو عدد السنين خففت من وهج الحب او الروتين اتسلل لحياتهن او اووو من المبررات .....الخ
من فترة سألتني صديقة لي من خلال بعض الحديث
هل بعدك عايشة بالرومانسية قلتلها اكتر من قبل
استغربت انو يكون جوابي بعد 13سنة ونصف هيك
مع انو شخصيتي ما كتير رومانسية او عاطفية
بل بعتبرها نص نص
ودايما عم اكتشف انو في اشيا مشتركة بيناتنا حبيبتي مؤيدة
لانو دايما بفاجأني زوجي انو بيتفاجأ من ردات فعلي او
بقلي مثلا بحياتي ما عشت هالشي
او ما اتوقعت انك تقولي هيك او تتصرفي هيك او تعطي هيك وهالشي بيسعده
لانو ممكن يكون السبب اني بشخصيتي بحسها متناقضة
و ما بعرف اذا ممكن يكون شي تاني
انا ممكن عيشه ملك زمانه وبنفس الوقت يصير شخص عادي
ما بحب ابدا الالتصاق بحب يكون في مساحة للشريكين
بعتبر الالتصاق من اي طرف بيخنق الشخص التاني وبيبعده
بحب يكون لكل شخص تكون حياته مرتبطة بالشريك ومنفصلة بنفس الوقت
مثلا باوقات بكون عاشقة وباوقات تانية صديقة وباوقات زوجة وممكن توصل اني كون عدوة بس ما بتطول المدة
وبالفعل متل ما قلتي حبيبتي مؤيدة دايما بيتفاجأ مني زوجي مع انو هوي اللي ببادر اكثر
بس انا بعرف مفاتيحه اكتر بكتير ما انو يعرف مفاتيحي
بالرغم انو في بيناتنا جلسات مصارحة
بس انا بشخصيتي كأنثى بضل عندي في غموض بالنسبة لزوجي وبضل عنده فضول ليعرف شو ممكن يطلع مني
بيعتبرني لغز بالنسبة الو وهالشي عاجبه وبلاقي فيه متعة
اما شخصيتي كزوجة ما في اي غموض وبعتبر الصراحة بتغني عن الدخول بمتاهات
ما بحب عيش الروتين ممكن ابكي وبعدها ممكن اللي يشوفني ينصدم بتحول لوحدة فريش وضحوكة وكلها مرح
ممكن كون على خلاف مع زوجي بلحظتها ما ممكن حدا يتصور انو هالشخصين بعيشوا تحت سقف واحد وبعد اقل من ساعة بشوفنا متل عشاق زمانهن
ممكن يشوفوني طفلة وممكن امرأة راشدة وممكن مراهقة
وانا هالشي مرتاحة فيه ومبسوطة بكل هالتناقضات
وبالفعل ثقتنا برب العالمين ونكون خالصين النية رح نتوقع اشيا ما كنا نتصورها
وللثقافة دور كبير بحياة اي شخص
في يكون كذا امرأة بجلسة ولكل امرأة شخصية بتميزها ونفس الشي للرجل ولكل رجل طريقة بتناسبه
الاهم ما نستسلم ونفقد الثقة بنفسنا ونخجل انو ننلجأ لرب العالمين
ومتى ما اخلصنا النية رح يكون شريكنا هو الرزق والتوفيق االي بنتمناه واكثر من توقعنا من عنده سبحانه وتعالى
احترامي
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه