اخوي الكريم
حلو انك اعترفت بخطاك وانك تزجت على غفله من غير لااجوف البنت
وبالفعل الزواج عشره عمر الزواج رغبه ومشاعر واحسااس والله يسامح اهلك اللي زوجوك ويزينولك البنت واخرتها اطلعت العكس .. ظاهريا
انت ظلمت نفسك وظلمت البنت معاك .. البنت مايهمها اذا جافتك او لا المهم تتزوج والسلام احترام لرغبة اهلها وهذا غلط
يعني بنتكم الله يشفيها ويرزقها بواحد يشتهيها موب تفرونه بعماه عين الريال
وهذي نتيجه الزواج الاهل .
نصيحتي لك تسريح باحسااان ... لاسباب وايده .. بعدك على البر وماحملت منك .. ماصا ربينكم عيال
والشي الثاني البنت عارفه انك ماتشتهينها وساكته وصابره
موب ذنبها مريضه ولاذنبك انه اهلك اخدعوووك وصورلوك جمالها
ومن حق كل رجل يختار شريكه حياته وغيره وغلطتك انك وافقت ابوك على هالزواج .. حتى مافكرت اجوف البنت لو نظره شرعيه ..
ليش كل ها؟؟
خلاص الحل الانسب
الطلاق
ريح البنت وريح نفسك البنت ماعندها مشكله البنت كل من يتمناها
بس المشكله انك ماتقدر تجبر مشاعرك تتقبل انسااانه وماتقدر ادوس على قلبك لانه هاي الحياااااااه نعيشها مرة وحده
ولو طلقت البنت راح ربي يرزقها على نيتها ويعضوها بشخص يحس فيها
وراحه لك انت لاني مااقدر اقولك لااطلقها وخلها بذمتك
لانه فيه ظلم لك ولها
ظلم لها لانها تزوجت شخص مايشتهيها لمرضها ..
وظلم لك لانك ماتقدر تجبر مشاعرك ورغبتك فيها ..
وظلم لكم الاثنين لانكم سمعتم كلام اهلكم ومشيتم مغمضين بدون لاتقابلون بعض ولو بالنظره الشرعيه ..
غلط غلط غلط اكبر غلط هالطريقه من الزواج بدون النظره الشرعيه
ارحم نفسك وارحمها ومثل ماجبرت بخاطر اهلك وسمعت كلامهم هذا درس لك ولها مايتزوجون بدون النظره الشرعيه ومعرفه الاخر بعيد عن الضغووط الاله ل وممارستهم وسيله الغضب والرضا وربطهم بالمصير
نعم الاهل خلفونا .. ربونا ماقصروا لكن مايقدرون يجبرونا ناخذ احد لانه مصيرنا متعلق بقراراتنا من ذاتنا
من داخلنا
من رغبتنا الباطنيه وقناعتنا ..
والله يوفجكم
همسه .. استخير الله وبنفس الوقت تاكد من قرارك لانه الانسان يعيش عمره مرة موب مرتين