رد : هل هي غلطتي ام الظروف؟؟؟
اقتباس:
المشاركة الأصلية كتبت بواسطة لمسة غروب
الاغراض انا ماصرت احب اطبخ واكل من طبخي
مدري نفسي تعافه ومحس اني اطبخ لنفسي واكل مالي نفس
وحتى مقدر اطول بالوقوف احس بدوخة
بس اذا جت امه اقوم اطبخ وهو ماياكل كثير مصلح رجيم ويكتفي بالفواكه اكثر شى وانا ما اتشجع
اليوم على اساس نطلع سوا واقضي الي ابيه
صحيت هو مو موجود فطرت على مويا وتمر ولا قلت له اي شى
بعد الفطور كتبت له على الواتس ليه ماجبت الاغراض
قال انتي ماكتبتي
طيب انت عارف مافي شى بالبيت وش اكتب او على الاقل جيب لي فطور او اطلع معك اجيب فطور جاهز من برى
قلت الشرهة علي الي مارحت اصوم عند امي
قال روحي الطريق مفتوح
انا هنا انحرقت اعصابي وانهلت عليه بالدعاء
في صديقة من الرياض جت وقالت ابشوفكك طلعت قابلتها وجلست ابكي بالسيارة قلت وش مسوية لك حتى تحقرني كذا
امس جيت ابوسه واحضنه دفني بديه ويدف بقوة
المهم تعشيت انا والبنت وامتصت غضبي شوي وقالت لا ربما يكون سحر او عين وضعكم مو طبيعي
رجعت البيت وجلست افكر بكلامها
كتب لي على الواتس رجعتي
قلت ايه
قال متى
قلت من ساعة
المهم كتبت له ليش يافلان تسوي فيني كذا انا حبيتك اكثر من اي شى بهالدنيا
مليون سؤال براسي ماعمري لقيت له جواب
اذا يرضيك الي تسويه فيني فلا تخلي شى بجعبتك
واذا مايرضيك اتقي الله وراجع نفسك
قام على طول قال الي بينا منتهي لا تناقشي بالموضوع والنصيب انتهى!
طيب انا عارفة انا اتكلم عن المعاملة وحقوقي
ياعالم كل ما اتنازل له شوي يقوم يركب فوق مقفاي
قال شوفي متى تبين تسافرين ومتى تبين طلاقك
قلت من بكرة اذا تبغى نروح المحكمة
قال اوكي
بس قلت حقي اول
قال اذا جتني فلوس اعطيك
طبعا اذا طلقني ماعاد لي حق
فانا اشترط عليه لا جهزت فلوسه وقتها يطلق
شرايكم
|
زوجك ابد مو برجال .. الرجال اللي فيه خير مايسوي سواته .. حت. لو ان النصيب منتهي بينكم زي مايقول زوجك المفروض يحسن اخلاقه ويرحم ضعف حرمة مالها احد في الدنيا بعد الله الا هو .. بس انا نصيحتي لك لاعاد ترمي نفسك عليه .. ولاعاد تترجي منه خير .. اللي يعوفك عافيه ..
حبيبتي لمسة انا بعد في الرياض ياليت ان الادارة تسمح ونتبادل ارقامنا ونتواصل .. بس الظاهر ان هالشي يخالف قوانين المنتدى..
__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..