رد : تمرجحي يـا طفلة الصبح ~ بـشويـش
اقتباس:
المشاركة الأصلية كتبت بواسطة Beta2
ااااااااااااخ يا حبيبتي يا فردوسه ... وش اقولك .. البنت الكبيرة المتزوجة اولادها لما يمرضوا أمرض معاهم ...
لما تجي وأحسها متضايقة وما تقولي ليش أحس انه بينها وبين زوجها مشاكل وما ودها تزعجني ..
أحيانا أفكر متى ربنا يوسع عليها بالرزق وتكون مرتاحه وما تحسبها بالقلم والورقة .
الكبير ما تزوج للان .. نشوف بنات اما ما تعجبه وإما تتزوج ويجيها أولاد قبل ما يجي موعد اجازته عشان ينزل عندنا يشوف العرايس اللي مجهزتهم له ..
مديره زعل منه ؟؟
شركته بتفلس وللا ماشي حالها ؟؟
بغربته أكل؟ شرب؟ مرض ولحاله مافي من ياخذه الطبيب ؟؟
الصغيرة من حوالي سنتين الى الان وقت الخطاب والعرسان ... ودي لو تلتزم أكثر عشان ربنا يوفقها وما توقع مع ابن حرام . أشوف اهتماماتها بالسفر والصديقات والترقية بالوظيفة أكثر ما هو بالزوج والعريس .. هي تعقدت مني وللا من غيري؟؟ .. وللا انا دللتها بزيادة ؟؟
أفكار ما تنتهي حبيبتي ,.. وهم صغار تخافي يوقع ويورم جبينه ..تحطيلها ثلجه وخلاص ... الحين تنشغلي عليهم من أشياء أكبر ..يا ترى مقهورين وللا متوفقين أو مروا بأزمة .. أعرف أن الدنيا حياة ابتلاء وعيشة بني ادم فيها كبد .. لكني اتحمل النكد لما يصيب قلبي أكثر من لما يصيب قلب ولدي وبنتي .. أحس وكأني مسؤولة عن نوعية حياتهم ..
وألوم نفسي هل أنا قصرت بتربيتهم ؟ هل قصرت بتوفير ظروف او علم أو أو أو .. هنا أحتاج أظل اذكر نفسي بالتوكل على الله حق التوكل .. لكن كل ما كان الهم أكبر يصير التوكل يحتاج جهد أكبر
|
كلامك يا خالة بيتا أبحر بي بعيداااا و اخذني لعالم آخر
صدقتي والله الاولاد هم كبير في صغرهم وفي كبرهم ايضا
عاطفة الأمومة متعبة جدا يا خالة , عمتي متزوجة من اكثر من 20 سنة وما حملت
ما بقت شي ما سوته سافرت و تعالجت وانابيب واشياء كثير لما اشوفها مشقية حالها
اقول لها احمدي ربك يا عمة انتي بدون اطفال مرتاحه تقول نفسي اجرب الامومة قبل لا اموت
والى الان رغم انها قاربت على الخمسين الا انها غير مقتنعه بالعمر و مستمرة بزيارة العيادات
سبحان الله محد مرتاح في الدنيا الا اللي معلق قلبه بالله
الله يرزقنا التوكل الصحيح و يغفر لي ما مضى
والله يا خالة اني جاهلة واتبصر من كلامك المليء بالحكمة و العقل
الله يحفظك لي ولبناتك ويبارك لك فيهم و يبلغك فيهم اعلى المراتب دائما
__________________
الوعي هو الملاذ ..
أستغفر الله العظيم ؛
( الفردوس غايتي )