رد: الفتور الزوجي بعد عشر سنوا
قبل كم شهر كانت بيننا مشكلة .
وقال زوجي وهو يتكلم معاي - يازعم يحل الموضوع -
قال انه فيه شيء كنت اسويه معاك وبطلت من 6 شهور ، عقابًا لك ! احرمك
انا ماجاء ببالي شيء ، واصلاً انصدمت من طريقته الانتقامية وانلخمت
قلت مافي شيء ببالي !
قال انا بطلت من 6 شهور بعد تتذكرين لما تكلمنا عن موضوع وجيت انا قلت احس انه مارح يتم .
انتي صدمتيني وانا عفتك !! وانا ذيك الفترة عجزت اتقبلك ومصدوم منك ؟!!!
وتركت عادة اني اقبّلك قبل النوم عقابًا لك !!
شايفين ؟!!
قلت ومواقفي اللي قبل بامانة ماشفعت لي هالجملة اليتيمة اللي قلتها
جلست ابكي مقهورة ع كل تنازلاتي وبالنهاية جملة وحدة قلتها نسفت كلللل شيء حلو سويته وتعاقبني عليه !!
هو تندم انه قالها لي ، وقال خلاص ماعلينا خلينا نسكر صفحة الماضي !!
بس انا عجزت انساها
عجززت احسها زي السكينه بقلبي
والحين جالس هالموقف بعقلي
اقول يمكن ان بعده جالس بزعمه يعاقبني؟!!
__________________
سبحان الله وبحمده ، سبحان الله العظيم