المشاركة الأصلية كتبت بواسطة انكسآر حلم

حقيقة مدري وش اقول يعني زوجي اذا كان موجود في البيت
انا اكون مخنوقه منه تماماً اذا يتابع تلفزيون لازم اكون معه اذا اكون في المطبخ يجي
ويشارك و طبعاً مشاركات متعدده على كل الاصعده .. يلاحقني وين ما اروح وتعليقات وغزل.
احياناً احس انه يمثل ويتصنع بس ست سنوات ما تغير حتى صرت ما اشتاق له ولا لحركاته ولا لكلامه بالعكس صار اذا طلع من البيت اتنفس وارتاح .
الكلام المعسول دايم ع لسانه وفي اي حال كنا ويعلق ع ادق التفاصيل في جسمي وشكلي لو شعره نازل مثلاً يقول شوفي هالشعره حركتها جنان وهي طايحه كذا .. لو نتابع برنامج ومندمجين بيستغل اندماجي بكلمه او حركه يربكني . اذا سافر يوم او يومين يجي مشتاق ويكون الوضع اضعاف .. مرهق ومتعب جداً .. وياااااما قلت له ودي اشتااااق لك عطني مساحه
بس ما يسيطر ع نفسه .. امس رحنا مشوار وحصل موققف وانا معه وعارفه اللي صار كله المهم رجعنا البيت وصلنا وغير ملابسه وطلع يجيب غدا ورجع واحنا نتغدا بدا يسولف لي بالموقف اللي صار ( وانا معه ) وانا استغربت ، شوي وتتذكر اني كنت معه قال يووه اثرك معي ......!
طبعاً لازم اذا دخل يحكي لي كل تفاصيل اللي صارت معه .. وانا لازم استمع واتفاعل ولا انشغل بشي ..
من جد احياناً اختنق منه واعوذ بالله من ان اكون جاحده او ناكره للنعمه بس مثل ماقالت ميموميا الوسطيه حلووووه والشي اللي يجي بعد فتره يكون له طعم ونكهه خاصه .. طبعاً اكيد تمر فترات اذا كنا متزاعلين وتصافينا ياسلااام اكون مبسوطه لاني اخذت منه اجازه كم يوم ..هههههه