جزاك الله خير اخي عالطرح القيم وعلى غيرتك على دينك ويا ريت كل المسلمين نفس الشي

بس يا اخي في نقطة حابة قولها وهيي وجهة نظري مش اكتر هالمسيحيين اللي بنقول عنهن كفار نحن ما قلنا علاقة بعبادتهن ربنا اللي بحاسبهن بس هني مطبقين الاسلام ومش مسلمين ومن شو بدهن يقلدونا اللي عم يشوفوا الانحطاط عند البعض والانقسام والانشقاق والفساد والكره ومقاتلة المسلم لاخيه المسلم ببلادنا العربية المسلمة اي صورة عم نعطيهن عن الاسلام
وبالنسبة للاعياد كمسلمين بنعرف اعيادنا وما حدا بيزايد عليها وبنعرف انو عيد العشاق بدعة بس وقت الانسان بيحتفل من منظوره وفهمه وين الغلط اذا اعتبر هاليوم تجديد للمشاعر وقتل الروتين هل الحب بين الزوج والزوجة حرام
وطبعا بين الاحباب ما في يوم محدد للتعبير عن المشاعر ولا عن تقديم الهدايا وانا من الاشخاص اللي بحتفل عطول بمناسبة او غير مناسبة بايام كتير بالسنة
ومنهن هالنهار بحتفل وقت شوف عجائز بعمر ال70و80 بيشتروا وردة وبقدموها بصدق واخلاص عربون محبة مش افضل من التصحر والجفاف العاطفي عند البعص من شعوبنا اللي عم يدمر عائلات ويهدم بيوت من ورا غياب المشاعر وكانه افصاح الرجل للمراة عن مشاعره شي مخجل او ينقص من رجوليته
وقت بنقدم هدية بهاليوم او شي رمزي او معنوي ونكون واعيين لانو ما معتبرينه عيد من ضمن اعيادنا المسلمة ولا بنقدسه فوين المشكلة
نحنا باعمالنا بنعمل من الشي الحرام او العكس
ابتداءا من بلدي لباقي البلاد عم نشوف بعض شبابنا]كيف عم يقلدوا الغرب وما نلوم الغرب بل لازم نلوم انفسنا لانو ما اخدنامنهن الا الفساد والانحلال اللي عم يغوص فيه بعض شبابنا وما عم نتعلم منهن عدم الرشوة والصدق واحترام الانسان كانسان مش لدينه او لونه او مذهبه او انتماؤه
وحتى باعياد الميلاد بحتفل فيه متل ما بحتفل بولادة حبيبنا محمد وبعلم ولادي انو النبي عيسى نبي من انبياء الله وانا وقت بحكي مع الاوروبيين بشرحلهن انو حاطة حجاب الراس كالسيدة مريم قبل ما يجي الاسلام
بعرف طولت كتير بالحكي ووخرجت عن الموضوع بعتذر على هالشي بس حبيت قول يا اخي ما عطول نلوم الغرب بالفساد اللي عم يصير ببلادنا لازم نلوم انفسنا اللي قلة الوازع الديني ما عم يخلينا نخاف من رب العاللمين وقت عم اجمع بالكلام وعمم بل المقصد الفئة المسلمة من الشباب اللي ماشية بطريق الضياع وهني ولدوا بالفطرة اسلام وربيوا كمسلمين الله يهديهم ويهدينا
واللي عم يقدموه الغرب للاجئيين دولنا ما قدمتها فيا ريت نحنا نقلدهن بهالشي
خلينا اقل شي نحترمهن كناس انسانيين بيفتحوا بلادهن النا وبيعطونا جنسياتهم وكل حقوقنا كاملة مكملة وبالنسبة لعبادتهن الله وحده اللي بحاسب الجميع
وبكرر اعتذاري اخي وبعرف انو موضوعك محبة بدينك وغيرتك عليه وكلامي اخي لانو امنيتي كوني مسلمة شوف دولنا مسلمة ومطبقة الاسلام اللي موجود بالغرب
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه