الحمدالله ماقد صارت معي وحتى لوصارت وش فيها أحس مافيها شئ نظرات الناس ماتهمني أبد دام إني أنا مقتنعه شخصيا لو يلبسون كل إللي بالفرح مثلي عادي ماعندي شئ
كلنا عيال آدم وحواء وكل أمهاتنا حملن فينا تسعه شهور ومتساوين بكل شئ خلقنا ربنا فيه وقفت على اللبس يعني بعدين شركات إنتاج فساتين السهرات ماراح تنتج من كل نوع وموديل فستان واحد فقط لا هيه تنتج كميات وتصدرها لدول العالم إللي ماتبغى أحد تقلدها تفصل فستانها تفصيل أحسن وأضمن لها أقل شئ لوتشابه القماش راح يختلف الموديل فيما بينكم وإلا إنها تلبس فستانين مختلفين فوق بعض علشان لو شافت وحده تلبس شبه فستانها تخلعه وتبقي على الفستان إللي تحت فستانها الأول وبكذا خلصت السالفه لو أقول لكم ماتصدقون عندنا واحد بديرتنا متزو ج حرمتين ولما تكون فيه مناسبه يشتري لزوجاته فستانين متشابهه مثل بعض ويلبسوها ويحضروا الحفل وهما لابسين طقم واحد
من الفساتين وكل النساء بالحفلات أول مايشوفو ا الضراير لابسين يعرفونهم إن ذولا زوجات فلان صار لبسهم علامه تجاريه لهم سبحان الله في أي حفل يعرفوهم وزوجهم جابرهم على اللبس بهاذ ا الشكل قصده إن الناس تشوف عدله بينهم حتى بالملابس يشتري لهم سوى نوع واحد وشكل واحد وموديل واحد وإللي ترفض منهم كلامه يمنعها ماتروح المناسبه حتى تنفذ كلامه وتلبس مثل زوجته الأخرى وحنا عندنا بديرتنا أخوات العريس يلبسن فساتين طقم واحد وأخوات العروسه يلبسن طقم واحد ذولي العزابيات أما المتزوجات منهم يلبسن نوع وموديل متشابهه مع بعضهم مثلا العروسه عندها أربع أخوات ثنتين عزابيات وثنتين متزوجات فكل ثنتين يلبسن مثل بعض وأم العريس وأم العروسه إذا كانوا قرايب مثلا أخوات أو صديقات يلبسن زي بعض ليلة العرس .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله