ممممم مع اني اول مرة بسمع فيها بس بما انها بحرية يعني طيبة اكيد ما بدها اتنين يحكوا فيها
وبتعرفي ياسمينتي من وقت ما نقلت الردود وانا عم ابحث واحضر وسجل
فكزدرت بين العم جوجل واليوتيوب وشفت اكتر الوصفات واعتمدت على وصفة جمعت فيها نفس المقادير المشتركة تقريبا وطلعت بهالطريقة وهي عبارة عن خليط من عند العم جوجل واليوتيوب ومنال العالم حسيت هيك ازبط والاقرب
وبدي جربها
.jpg "ffgh")
وبعطيكن التجربة بس كيف بدي احكم عليها انها شوربة عم حمزة
لو اكلتها مرة بضل عدل بالطعم لجيبها نفسها
المقادير :
نصف كيلو سمك
ونصف كيلو روبيان
ملعقة زيت
بصلة مفرومة .
2 حبة ثوم مهروس
2 ملعقة طعام معجون طماطم
كريما كوب او نصف كوب اختياري
ملعقة نشا
فلفل اسود
عصير ليمونة
ملح
كرافس
ورق غار
جزر
حب هيل
فلفل حب
فليلفلة
قشر ليمون اخضر
كمون حب
مستكة
رشة بقدونس
الطريقة :
اول شي بنقطع السمك لنفصل الفيليه عن الرأس والحسك
وكمان بنفصل الروبيان عن قشره
وبنوضع الرأس والحسك وقشر القريدس بالطنجرة لانهم هني اللي بيعطوا النكهة
وبنشعل النار
وبنضفلهن ورق غار
وفلفل اسود حب وكمون حب
وحب هيل وجزر وكرافس ومستكة
وبصل وقشر ليمون اخضر وبنتركهن يسخنوا شوي قبل ما نضيف ليتر ماء
وضفنا كل هالمكونات ليعطينا نكهة مميزة وحقيقية بدل مكعبات الماجي لانو سمعت انو المطاعم الراقية واللي بتقدم طعام درجة اولى ما بتستخدم مكعبات الماجي لانها بتعتبر هيدا غش ونكهات صناعية والمطلوب بالاكل تكون النكهة طبيعية
وبس يغلي الخليط ويصير عنا مرق بنطفي وبنصفي الماء لنحصل على مرق
بهيدا الوقت بنكون قطعنا الفيليه والقريدس قطع وسط و بنقلي بصلة مفرومة ناعمة مع ثوم مهروس وبنضيف السمك وبعد خمس دقايق بنضيف القريدس مع فلفل اسود ورشة ملح وعصير ليمون وبنطفي النار
وبنحط المرق اللي صفيناه بالطنجرة عالنار ومع معجون الطماطم والنشا مدوب بشوية ماء مع التحريك المستمر بس نحس انو المزيج تماسك شوي بنضيف الكريمة والسمك وبنحرك شي خمس دقايق مع تخفيف النار وبنطفئ وبنضيف رشة بقدونس اختياري
وصحا وهنا سلفا للي بدو يجربها قبل