اقتباس:
المشاركة الأصلية كتبت بواسطة مهره
عيالي في هالسن ما ياكلون إلا في كرسيهم الخاص .. أبو حزام. 
يتمون يستخدمونه لين ثلاث سنوات أو ثلاث ونص تقريباً .. على حسب التزامهم بالجلوس في مكانهم وقت الأكل.
لكن طول ما الطفل مطلوق ويروح ويجي ما راح ياكل وجبته بالكامل .. بالإضافة إلى إني ضد إني ألاحقه عشان ياكل .. فلو ما جلس في مكانه مافي أكل حتى لو بيموت من الجوع.
بخصوص الأسنان .. مضطرة أتساهل شوي وقت المسا قبل بلوغ السنتين .. لأن النوم لما يغلبهم ما يقومون بسهولة .. ولو وعّيتيهم يكون مزاجهم متعكر ولا بتقدرين تنظفين أسنانهم عدل.
أنا كنت أفرّش أسنانهم قبل الحليب .. ولو تمّوا واعين أفرشها مرة ثانية قبل النوم .. وإذا راحت عليهم نومة أشرّبهم شوية ماي وعقب يكملون نومهم.
لكن الأضمن إنج تبدين تعلمين بنتج تشرب حليبها في كوب .. لأن المرضاعة هي اللي تخليها تنام.
|
وجبته ياكلها مع اهل البيت والا بروحه؟
تقصدين الكرسي نفس اللي بالمطاعم .
و التفريش .. بمعجون والا بدون ؟
مشكووورة واايد عالنصايح