السلام عليكم ورحمة الله وبركاته

انا اتأسف لكم اول شي بسبب عنواني والسبب الثاتي اللي اتأسف منه هو عن موضوعي اللي بيكون متكرر بالنسبة لكم لكن صدقوني جد والله تعبت من نفسي وكرهت نفسي

انا اولا بنت عمري 26 سنة وربي بلاني استغفر الله بالعادة السيئة من يوم عمري 18 ،، والله اني اكتب لكم مشكلتي وانا مستحية منكم بس عطوني حل لاني فعلا بحاجة للمساعدة ما اقدر افتح قلبي لاحد من اهلي لانيي عارفة انها غلط لكن اعوذ بالله شي غصب عن الانسان يصير

لاتفكرون طول هالسنوات هذي اني افعلها في كل يوم وبشكل جنوني لا اعوذ بالله انا اغلط مرة واقطع اشهر لكن ارجع لها واقطع تعبت من هالطريقة واطول فترة قطعت فيها تمت معاي 6 شهور

والله اني خجلانة ومستحية من ربي كل ما غلطت استغفر واتوب لكن ارجع ليييييش مادري

انا اكتب لكم مشكلتي السيئة وانا ارجف لاني عارفة اني غلطانة ومرات افكر واقول يمكن سبب تأخيري بالزواج عقاب لي على افعالي السودة ، مع ان الشخص اللي يبي يتزوجني موجود وانا احبه ويحبني لكن ما اجتمعنا مع بعض لما الحين ، بيني وبين نفسي اقول لو يدري باللي اسويه يمكن يكرهني ويتركني

انا اسفة والله على الاطالة عليكم وعارفة يمكن بعضكم بيقول انه مل من هالموضوع لكن اتمنى انكم ماتبخلون علي بنصايحكم
اشكركم


تم تعديل العنوان بما يتناسب مع النص ..