رد : اتطلق ؟
اقتباس:
المشاركة الأصلية كتبت بواسطة أمل@
اطلبي منه يحجز لج عند دكتورة نفسية
يا لمى ياحبيبتي..وضعج مو طبيعي
للأسف زوجج مو متفهم حالتج النفسية..لأنه مو عارف قوة حجم التراكمات النفسية اللي تضر بالإنسان
ومثله كثيييير..بسبب الجهل وعدم المعرفة
زوجج يحبج كثير..وانتي مازلتِ غاليه عنده
روحي له واطلبي مساعدته وخلج واضحه وشفافه له..اظهري له كل اللي بقلبج
من ألم وحزن وهم وكسر..وشوفي شنو ردة فعله
امل يعني انا ماطلبت ؟
جتني ايام كل يوم اقوله خل نروح
احيان يصرف واحيان يقولي صعبة ومدري ايش
واحيان يعطيني بوجهي يقول لا
واللي يحب يا امل يفضح ؟ انتي اسألي نفسك
كنت اقول انه يحبني بس الحين لا
أمه..خالتج
لاتلومينها..قلبها على ولدها..تشوفه تعبان ومو مرتاح وتهيأ لها إنج قلتي هالكلام
روحي لها وخبريها إنها فهمت الموضوع خطأ..وخلي إخته توضحه لهم اللي صار
وخلج حبوبه معاها..ولينه حتى لو زعلتِ من تصرفاتها
ماعليه..أغلب البيوت جذي..الخاله والجنه والغيرة
اما خالتي تحسبين اني شريه معها ؟
بالعكس هي زي امي وكانت تعتبرني زي بناتها بس الحين تغير الوضع
مابي اخبرها ولا اكلمها بنت خالتي كلمتها وهي مصره انها سمعت هالكلام ومصره تزوج فهد
خلها تزوجه يمكن يفكوني من شرهم
لمى خلج قويه..وساعديه علشان تحلون موضوعكم الأساسي
لاتبجين وتسببين له الإرباك..البداية بتكون صعبة بس وبعدها بترتاحون
وانا ماساعدته ؟ وهو تظنين انه ساعدني ؟
انا ما ابكي انا اضرب بوقتها بس
بس بعدين ابكي واتأسف وهو يقول مو مشكلة
ربي يوفقكم..ويغير حالكم إلى أحسن حال
|
امين يارب
يكتب لنا اللي في الخير مهما كان
شكرا امل
__________________
اليد التي تنهضك عند تعثرك، أصدق من ألف يد تصافحك عند الوصول ~