هههههه الله يهديك بس موتني ضحك

عاد تدري .. محتارة في موضوع الزفة وهو اكبر همي بليلة الزواج

بس كذا انت حليتها

بالنسبة للاسباب

ماكنت ادري انك فضولي لهذي الدرجة

بس يلا ماعلينا اخ ولك مكانتك بقلوبنا بقولك عالاسباب

اولها واهمها .. تصبرني واصبرك الين يجي موعد الزواج .. خصوصاً انك صبرت وانا صبرت ..

يعني كلنا في الهوا سوا زي ما يقولو

ثاني شي .. عمرك ماشاء الله الله يطول فيه ويعمره بطاعة الرحمن 35 سنة .. يعني مو صغير

ورجال صبر كل هذي السنين .. كيف بيكون مع زوجته ؟ افهمها عاد

ثالث شي .. انت اتخيل الوضع معاي

فلنفرض انك اتزوجت بليلة 10 .. فرضاً

وانت عارف رمضان دوامات .. وما ادري اذا عندك اجازة ولا لا

بالصباح بتروح وظيفتك .. وزوجتك الغلبانة بتقعد تجهز للفطور

بعد المغرب بيبدأ اليوم فعلياً .. ما أمداكم اتهنيتوا ببعض الا جا وقت النوم والامساك

رابع شي .. رمضان جو روحاني .. صيام بالنهار .. وقيام بالليل .. وهنا بسألك

ياترى بيكون فيه قيام ؟

قراءة القرآن .. بتتكاسلواعنها

الذكر والتسبيح .. بتنشغلوا عنه

وزي ما قال اخوي شاطئ المحبة .. بتقدر تصبر وزوجتك حبيبتك اللي صبرت سنين عشان تاخذها

بتصبر تشوفها قدامك بالنهار وما تعطيها حاجة هيك ولا هيك عالطاير ؟

خامس شي .. ليلة الزواج .. اكيد بيكون فيها دق دفوف اذا كان اسلامي .. وموسيقى اذا كان زواج عادي

تخيل انت عاد الوضع .. الناس تصلي لربها .. وانت وزوجتك .. واهاليكم .. شغالين ترقصوا وتسمعوا طرب

سادس شي .. الزواج مرة وحدة بالعمر .. وذكرى خاصة .. تمشيات .. دلع .. رومانسية

رمضان بجوه هذا بيخليكم تدخلوا في لب الحياة .. وتتحملوا المسؤولية من بدري

باختصار .. بنلغي الدلع

ها يكفي كذا ولا ازيد ؟

انت ببساطة .. اتخيل انك اتزوجت برمضان .. كيف بيكون وضعكم ؟

هذا وانت رجال ..

اذا وانا بنت رافضة الموضوع جملة وتفصيلاً

زواجي كان المفروض انه بعد اسبوعين يوم الخميس 28/8 وعاد انت عارف 30/8 يوم وطني واجازة

بس قلت نأجله للعيد بيكون احسن ولا شو رايك ؟

***