بسم الله عليك الرحمن الرحيم
حصنتك بلا اله الا الله
اخوي صالح
لاتشيل هم وتوكل على رب العباد
من اليوم:
1_عليك بصلاة الإستخاره
2_الصدقه
3_الإستغفار
4_قرأة سورة يّس
5_الدعاء والتوجه الي الله
بكره ان شاء الله ياعريس:
من الصباح خذ نفس عميق واذكر الله
وردد
فوضت أمري اليك يالله فأنت حسبي ووكيلي
لاحول ولاقوة الا بالله
ربي اشرح لي صدري ويسر لي أمري
وبعدين قبل موعد المقابله الشخصيه بوقت كافي<<<<<<<<<<يعني اذا عندك مواعيد اجلها عندك اتصالات حطه على الصامت
كذلك دش بارد وتعطر وصلي ركعتين مع صلاة الإستخاره
وبعد الدعاء والتوكل على الله بنيه صادقه
روح لهم بوقت كافي يعني لاتتأخر وتجلس تسرع في الطريق وتتوتر
اذا كان موعدكم قبل الصلاة صلي في مسجدهم واستخير مره ثانيه
واذا بعد الصلاة وقف عند بيتهم بشوي قبل الموعد بعشر دقائق وسكر السياره (مو المكيف) واغلق الجوال وغمض عيونك واذكر الله (الا بذكر الله تطمئن القلوب) وحط جنبك قاروره ماء واشرب منها واذا ممكن عصير منعش
وعلى الموعد بالضبط دق الباب
عند دخولك خليك طبيعي وسمي الرحمن
اهم شيء الإبتسامه وذكر الله بالسر
واطلب من ولي أمرها وين المكان المناسب لها انها تشوفك وهي مرتاحه يعني افضل تكون هي جنب ولي أمرها عشان اذا دار الحديث مايحتاج راسك يمين ويسار بس اذا كانت جنب ولي أمرها كل الموضوع نظرات خاطفه
ولما تدخل العروس عليك بسم الله عليكم الرحمن الرحيم
اول فرصتك تشوفها وبعدين لاجلست اعطيها فرصه انها تشوفك يعني سلم عليها وكيف الحال وكيف وكيف
اسألها عن دراستها وعن الوالده وكيف انها مستعده لرمضان ومن هالسواليف اللي ماتاخذ وقت في الإجابه
وبعدين وجه حديثك لولي أمرها وخلي عينك عليه لأنها دحين هي تقدر تسرق النظرات لك
وبعدين اذا هي استأذنت خذ نظره خاطفه مره ثانيه
طبعا شوي واستأذن واطلب منهم متى تتصل عليهم عشان يردلك خبر
واطلع على السياره
اشرب كاس ماء وعصير وغمض عيونك وخذ نفس واذكر الله خمس دقائق حسب احتياجك وانطلق الي البيت
بشر الأهل وبشرنا وصلي واستخير
ادري اني طولت عليك بس معليش عيشت الموقف والأحساس معاك خيالي واسع هذي الأيام
وما بيدي غير الدعاء لك بالخيره الطيبه والفرج القريب وراحة البال والسعاده في الدارين
ويارب ياكريم يرزقك الزوجه الصالحه اللتي تسعدك وتصونك وتعينك على طاعة الله
ويارب يألف بين قلوبكم وييسر أمر زواجكم
ياحي ياقيوم اشرح صدره وفرج همه وسدد خطاه وسخرله القلوب القاسيه والعبيد العاصيه
اللهم طامنه بإسمك يارحيم وثبت الأرض من تحته ونوله مراده
وارضا عنه وارضيه بالرزق الحلال
حصنتك بلا اله الا الله
اختك في الله
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا