والله اني مقهووووووووووورة
مرحباااااااااا
أنا أكتب وراسي يعورني وعيوني منتفخااات من الصياح والسبب زوجي الله يسااامحه أنا من النوع الغيور جدا
وهاي مشكلة ثانية
أما السالفة اللي صيحتني هي انه من حوالي شهر كل يوم المغرب عالساعة 7 أو 7 ونص يطلع ومايرد قبل الساعة 1
المهم أنا أدقله طول الوقت ومايرد ابد عالتيلفون ولا يرد على اي حد وكل يوم نتهاوش على هالسالفة يحلفلي انه مايسير عند اي وحده ولا يكلم أي وحدة بس مايقولي ليش مايرد أو شو يسوي وهو يطلع بلبس البيت اليوم ادقله طول الوقت مايرد ويا الساعة 2 البيت وكنت اصيح وأساله يقولي كيفي بطلع ومايخصج فيني اسأله وين كنت مايرد علي ويقولي انتي مينونه ومريضة نفسيه ويتم يضحك علي وانا ميته من الصياح والله انه قلبي يقولي في شي بس ماعرف شو
وشكلتي الثانية اني أشك فيه لاني مسكته كم مرة يكلم بنات عشان جذي انا ماأثق فيه أنا مب مرتاحه فحياتي احس كل همي من اقوم الصبح ريلي شو يسوي في الدوام واقول فخاطري أكيد بيطلع من الدوام وبيروح يواعد حتى اني أحشره باتصالاتي وهو يصعب
ألحين اللي اباه منكم تقولولي أنا غيرتي طبيعية وأريد أتغير منخاطري أريد اكون مرتااااااحه وماأفكر فيه وايد واباه هو اللي يلحقني مب انا لاني احس اني وااايد ذليت عمري حتى مرات افكر صدق في الطلاق وكل ملنتهاوش اقوله طلقني
اباكم تساعدوني ومابا حد يجاملني ابا رايكم عني الصدق عشان اعرف يمكن أكون أنا الغلطانة