كلمتني وحدة من صديقاتي وقالت لي وحدة تدور لخوها عروس واني مدحتك لها وأعطيتها رقمكم..
دخلو بيتنا ومن أول مادخلت عليهم وأنا مارتحت لنظراتهم .. نظراتهم ماكانت اعجاب ولاعدم اعجاب.. حسيت كأنهم متفاجئين لما شافوني
بعد يومين دقت صديقتي.. ياشوبارد مادري شقولك
أنا : عادي يافلانة يمكن مواصفاتي مو نفس المواصفات اللي يبغى ولدهم
قالت.. والله ياشوبارد انك تسوينهم كلهم اعذريني انا آسفة المفروض ماخلي هالأشكال تدخل بيتكم بس ماكنت ادري عن نيتهم!!
أنا : ليه؟
صديقتي: تقول أخته شوبارد أحسن مني ومن اخواتي واحنا ماودنا بكرة اذا جت العزايم تطلع زوجة اخوي عند الناس احسن مننا!! وشكل البنت لها كلمة واحنا نبي وحدة مكسورة نسيطر عليها
أتذكر أشكالهم والله ماينقصهم شي بالعكس ثقتهم بزيادة وسولفت معهم وضحكت وعادي!
لاحول ولاقوة الا بالله.. معقولة فيه حريم يفكرون كذا ؟ حسبي الله عليهم من اخوات.. طيب يمكن أخوهم رأيه غير عنهم
والله أغلب اخواني انا اللي كنت ابحث وأهتم واحاول اشوف نفس المواصفات اللي يبغونها ولافكرت أقارن بيني وبينها!!
الرجال مواصفاته حلوة مرة ..اتذكر اول مادقو قالت امي ماودي اقولك اي شي عنه يابنيتي ماودي افرح بقوة اخاف يطير مثل ماطار غيره
وصدقت امي ..
والحمدالله على كل حال ان شاءالله ان الأمر فيه خير.. سبحان الله ياكثر هالمواضيع اللي تصير لي الظاهر بيصير عندي مناعة
