حبيبتي قمر أول شي الله يكون في عونك و عون زوجك ثاني شي حبيبتي بأسألك ضروري تسوون حفل زواج يعني؟؟ ما دام وضعكم مره مأساوي و الظروف ما تسمح فبلاه حفل الزفاف يعني انتي البسي الفستان الأبيض و خذي زوجك و صوري معاه صور تذكاريه و الفلوس اللي بتوفرونها من العرس استغلوها في شهر العسل استانسوا فيها انتو أولى من الناس
أنا عارفه هذا الشي مو سهل و فيه تنغيصه بليلة العمر بس ممكن يكون أفضل من وضعك الحين صح؟؟

ما أدري إذا تتفقين معي ولا لا بس بصراحه أنا يوم حصل لي وضع مشابه كان ممكن يؤجل عرسي هذا اللي كنت مقرره أسويه يعني ما كان ينفع نسوي عرس لأن طبعا عارفه "عيب و ما يجوز و أيش يقولون علينا الناس و مدري أيش مدري أيش" و كان صعب التأجيل لأن زواجي كان بالصيف و بعدها أنا كنت راح أبدأ الجامعه بالرياض و زوجي يشتغل بالرياض و أهلنا كلهم بالشرقيه فيعني إذا كنا أجلنا العرس و أنا بدأت جامعه قبل العرس معناها راح أروح الرياض و أنا ما عندي أحد فيها غير زوجي فيعني أكيد راح نسكن مع بعض بالذات إن إحنا مجهزين لنا شقه و بالتالي في هذاك الوقت ما راح يكون فيه داعي للعرس من أصله أنا كنت أقول خلاص نلغي العرس أصلا نص الحريم اللي بيجون بيجون للحش و التعليقات يعني ما لهم داعي و أنا أهم شي عندي ألبس الفستان الأبيض حلم كل بنت و قلت نصور و نمدد فتره شهر العسل و خلاص بس عاد أمي سوت مناحات و انتي أول فرحتي و أختك توها صغيره يعني بناتي وحده ما تبي عرس و الثانيه لما تكبر و تتزوج بأكون أنا عجزت و ما فيني أسنان و ظهري منحني و ما راح أعرف أفرح فيها أقول لها عندك أولادك الله يخليهم لك تفرحين فيهم و تشوفين أولادهم إن شاء الله تقول لي فرحة البنت غير حسستني بالذنب و زوجي كمان ما كان مره متحمس كان يقول لي أخاف بعدين كل مره تروحين عرس ترجعين لي تبكين تقولين أبي عرس مثلهم (مع إنه يقول ندم على هالكلمه بعدين) بالآخر علشان نرضي جميع الأطراف سوينا عرس مصغر بس العائله و المعارف القريبين مره بس إذا تبين الصراحه أنا كنت أفضل لو ما صار يعني مو كل قرايب زوجي حضروا العرس و طبعا بما إنه مره خاص فيه ناس عتبت لأن ما انعزمت و فيه طبعا الناس اللي ارضائهم غايه لا تدرك

الحمد لله على كل حال أختي بالأول و الآخر الموضوع يخصصك و القرار قرارك و اعذريني على الإطاله بس قصتك ذكرتني بقصتي قبل كم شهر و الله يقدم اللي فيه الخير إن شاء الله

__________________