اخواني واخواتي اشكرررركم من كل قلبي ..
صراحه انتو ما قصرتو.. حاولتو تساعدوني باللي عندكم
مع ان مشلكتي مالها حل .. الا لما الله يفرجها انشاءالله..
وانا اعتذر اخواني على هذا الموضوع .. بس اني كنت في لحظة يأس ..وتعرفون اليأس احساس .. وانا انسانه اكيد لي احاسيس ومشاعر..
بس صدقوني بردودكم ودعاويكم رجع لي الأمل مره ثانيا ..ورجعت اصبر نفسي

الله يوفقكم كلكم انشااااءالله يارب ويسعدكم دنيا وآخره ويزوجكم
ولا تنسووونا من صالح دعااائكم بليييز ادعو لنا ان الله يفرجها ..



اختي وعد

صدق اللي يشوف مصيبة غيره تهون عليه مصيبته ..

الله يعيييينكم صراحه .. والله يوفقكم انشالله ويصبركم

بس صدقيني وعد احسن لك انك ما تشوفينه ولا تمارسين حريتك معه ( عشان ما تتعلقون ببعض).. ونصيحة مني بعد حتى التلفوووون لا تكلمينه ..شوفيني ندماااانه حتى هو بعد ندمان.. ترى النصيحة اعطيك اياها من قلبي..



اخي دريم مان

اتمنى لو انها مشاكل كان حاولنا حلها .. لكن المشكلة انها اقدار وليست بمشاكل

وتسلم..




اختي روح المحبة تسلمين عزيزتي

بس الاسباب هذي .. مثل ما قلت قبل هي اقدار مقدره انها تكون.. يعني مكتوبه مالها حل..غير الصبر والدعاء

واغلب الاسباب وفايات..اوحوادث..او دخول مستشفيات .. (الله يبعد عنكم كل شر)





اخي البحر الأزرق

وضحت أسباب تاخير الزواج فوق .. بس بطريقة مجمله .. لاني ما احب افتح الاوجاع واذكر التفاصيل

وشكرا لك ..



اخوي هامس

انشاءالله ..انا صابره الحين.. بس اني احيانا افكر لو انا صبرت هو بيقدر يصبر!!!

وشكرا