السلام عليكم
هذي اول مشاركه لي في المنتدى والصراحه المنتدى جدا شيق ويهتم بمواضيع عده ويساعد في ايصال المفاهيم الجنسيه بسلاسه وبدون خجل
ما اطول عليكم
بس برد على موضوع الأخ أسير الاحزان
اولا اتجاهه وتفكيره
قبل كل شيء لازم يعرف طبيعة البنت بدون ما تأثر عليه مشاعره تجاهها من حب
يفهمها ويفهم طريقة تفكيرها
يعني هل هي ماديه او لا غير مباليه
لازم تكون البنت راشده الى مستقبلها
مو بعدين تقول لو زين سمعت كلام اهلي ولا تزوجته
لان الحياة الزوجية أخذ وعطاء ويمكن تصيدك مشاكل وتصير البنت تتأسف لانها اصرت على الشاب اللي تحبه
من وجهة نظري ان الحب مو كل شيء
الحب مجرد اعجاب
مهما طالت مدته
يعني المسؤولية الحقيقيه هي الحياة الزوجيه
الحب يكبر بالتضحيات لكن يمكن يموت من الغيره من الانانيه
كلها امراض تقتل الحب
باختصار
البنت ما تقدر تختار الشاب اللي تبيه اذا كانوا بيتهم رافضين لانه في الاخير بيكونون اهل فمو من الصح انك تخلي اهلها يستنفصونك على حساب مكانه اجتماعيه
ونصيحتي
انت لاتفكر تتقدم مره ثانيه الا لما تكون ملم بكل شيء
وتكون في نفس الوقت متوقع الرفض
حاول انك تتقرب من اهلها بالكلمة الطيبه وتحاول توصل الى اقرباء البنت من يقدر يأثر على رأي اهلها وتفكيرهم
واذا تم الرفض بعدين في ألف من تتمناها وتتمناك
يعني في الاخير لا يقتلك الحب
انت تقدر تصنع الحب لانه الحب الحقيقي في الحياة الزوجيه
والله يوفقك الى خيرامرك
تحياتي لكم