اهلا بالغالية...

الحمد لله على السلامة ترى البداية في البرود

وبعدين شوي تصيرين وبعدين بس انتبهي لا تصيرين

معليش ما راح أطب في العميق خلينا خطوة خطوة... انت الحين سايسيه وساحريه- موتسحرينه لا نقصد سحر حلال!- الين يوافق تكميلن دراسة وصدقيني بتنشغلين الى راسك!
وبعدها حتى البرنامج اللي بتسوينه راح يخرب لأن ما راح يكون عندك وقت! حتى للنت ما راح تلقين وقت...>> انواع التحطيم!...
لا تخافين بعد فترة راح تقدرين ترتبين وقتك وتنظمين نفسك..... قلت لك هالنقطة لأني اعرف إنك في البداية راح تنشغلين وتلقين تطور في حياتك.. بس انتهبي! لا تهملين نفسك! كل فرصة تجيك تفيدين فيها نفسك استغليها..
إذا حطيتي برنامج حفظ قرآن لا تلغينه بعد الدراسة خففي منه حتى لو شي بسيط بس المهم ما تتوقفين
إذا قراءة ايضا ضرورية استمري فيها كلما فضيتي...لأنها ستدعمك حتى في دراستك ووظيفتك مستقبلا..
أولادك إذا قدرت تحطين لهم برنامج ما يخرب بعد دراستك فأفضل لهم و لك ...
حتى المشاركة في الموضوعات الاجتماعية والتربوية والأدبية والثقافية-حسب ميولك- كملي راح تفيدك كثير إحساس رائع إنك تفيدين الناس وتستفيدين منهم...
حتى برنامج الرياضة ممكن تخلينه جماعي انت واولادك! وياريت برنامج صحي عشان يكمل الفلم
لأن ضغط مسؤولية البيت والظروف الزوجية ومشاغل الدراسة راح تتراكم عليك لكن اذا ضغتي على نفسك وما اهملتيها راح تلقين نجاح رائع يملأ عليك حياتك...
ومسألة التأثير على الزوج معليش خليها بعدين بس حبيت أقولك ترى ما نطلب منك تقلبينه داعية! لا أبدا أحنا نعرف إن هداية الناس مو بيدنا وإذا احنا ما قدرنا على أنفسنا كيف الآخرين!
بس لا تشيلين هذا الهم من بالك! خلي الموضوع قدامك متى ما جت فرصة تستفيدين منها في النصيحة استغليها..مو ضروري تغيرينه تماما لا بس استغلي كل فرصة قدامك...
الأطفال ترى لهم دور إذا وجّهت اولادك بطريقة صحيحة في الغالب هم اللي يناقشون والدهم!
ورمضان فرصة قادمة أعتقد فيه أكثر من فرصة للنصيحة..
ما أبغى أضيّق صدرك بس مضطرة أقولك راح تلقين تراجع في نفسيتك وفي نفس الوقت تقدم! يعني فترة تتقدمين وفترة تتراجعين لكن تقدمك راح تلقينه أفضل وأعمق لو استمريتي..
بعد فترة من الزمن راح تلقين التقدم أفضل بكثير وحياتك صارت قمة مقابل حياتك السابقة..
ما قلت هالكلام اضيق صدرك لا بس حبيت انك ما تتأثرين وتنصدمين إذا لقيتي تراجع لأنه وضع طبيعي، أكثر من عشر سنوات ما راح تتغير في شهر او شهرين!
بس اذا حسيتي بتراجع لا تهتمين بترجعين تتقدمين مع الزمن خصوصا اذا كانت خطواتك قوية وفعّالة وجادة..
واخيرا لا تخلين الدعاء ليل نهار.... في صلاتك وانت تقرين وانت عند التلفزيون وانت في المطبخ قايمة قاعدة ادعي ادعي ادعي... وراح تشوفين نتائج أبدا أبدا ما تخيلتي أنها تصير لك!
نقاط سريعة: قراءتك وزعيها بين المتعة والفائدة..جميل أن تقرأي حول تطوير الذات والقدرات فانت بحاجة الى ذلك كثير.. اقرأي في السيرة النبوية ممتعة ونافعة جدا...
لي عودة إن سنح لي ذلك
بالتوفيق