اسمعي اختي
المشكلة مش زي ما انتي فاهمة
المشكلة اننا لازم نندم مهما كانت الاوضاع
يعني اتزوجتي وانتي 18 سنة هتندمي انك ما عيشتيش شبابك بحرية من غير مسئوليات
اتجوزتي 24 سنة بعد التخرج هتندمي انك مبداتيش حياتك بدري وزميلاتك دلوقتي معاهم اطفال كبار
اتجوزتي واحد صغير هتندمي انك متزوجتيش بواحد عاقل وراسي يعطيكي الاحساس بالامان والاحتواء والعطف
اتجوزتي واحد كبير هتندمي انك متجوزتيش واحد صغير تخرجوا سوا وتنطلقوا سوا يحس بسنك واحتياجاته تلعبوا سوا وتعملوا حركات ومقالب في بعض زي الاطفال
اتجوزتي واحد حلو هتندمي انك اتجوزتيه لانه قلب حياتك وتفكيرك من فرط الغيره عليه وخلاكي تبعدي عن صديقاتك من خوفك منهم
اتجوزتي واحد مش حلو هتندمي انك اتجوزتيه لانك مش قادرة تتقبليه ولا عارفة تغيرى عليه ولا بتحسي بلهفة لما يبعد عنك
وهكذا
/
/
/
دي طبيعة الحياة احيانا لما نتخنق شوية من اي وضع او مع اي مشكلة نندم مش عشان المشكلة كبيرة
لا بنندم عشان احنا بشر ساعات نندم وساعات نحمد ربنا على نفس الحاجة اللي من ايام كنا ندمانين عليها