تشكرون جميعهم على التواصل على الموضع
لكن عندي رد على البعض وما راح اخصص ردود معينه
بعض الاعضاء كأنهم مقتعين بما هم علي ويقولون بمعنى يكفي ان احنى مسلمين وهم غير مسلمين
طيب هل الاسلام منعك من الرياضه ومن المحافظه على صحتك ... هل الاسلام قاللك اذا ما حافطت على صحتك غير مهم لانك مسلم
للأسف احنى قمنا نتستر على اخطائنا بالإسلام بالذات اذا جينا نقارن في اشياء خارجه عن الاسلام مثل الصحه او العمل او الثقافه او العلم وغيرها ...
احنى نختلف في الدين ومستحيل يقارن بين ديننا ودينهم لاهم مختلفين لكن لازم نقارن بين الاعلى اللي هي الصحه والعمل وغيرها لان كلنا مطلوبه منا
صار كل خطأ نسويه نقول احنى مسلمين يعني ما علينا خطأ .. وفي الحقيقه والاسلام بريء من أخطائنا

بعض الاعضاء بالذات النساء يشتكون من عدم القدره على ممارسة الرياضه سواء لعدم توفر الماده او عدم توفر النوادي في السعوديه مثلا .. مع ان فيه نوادي نسائيه في الرياض وجده
لكن خلونا نقول ان الماده ما تسمح والوقت اللي يضيع على الروحه والرجعه هي اللي تعيق
طيب رياضه في البيت بجهاز السير مثلا .. واذا مافيه ماده تسمع لشراء جهاز سير ممكن تمارين سويده لحرق الدهون وشد العضلات

اما الرجال واخص بالذكر العزاب يسمحولي ممكن تتوفر لهم الماده والوقت لكن الكسل هو اللي يغلب عليهم
ساعه وحده يوميا تكفيك .. اكيد كثيرين راح يستكثرون ساعه في اليوم للنادي ولا راح يستكثرون ثلاث واربع ساعات في القهاوي
لاعبين كمال الاجسام اللي هم المرحله المتقدمه والاصعب في الرياضه واللي انا منهم يقضون ما بين ساعه ونصف الى 3 ساعات يوميا ما عدا يوم راحه في الاسبوع بالاضافه الى نظام غذائي وفوق هذا انا عندي دراسه جامعيه وعمل على الاسهم

اذا شفت رجل او شاب يمتلك الماده( مع العلم ان التسجيل في نوادي متوسطه لمدة سنه ما يتعدى 2000 ريال ) وعنده الوقت الكافي واقصد بالوقت الكافي 3 ساعات فراغ في اليوم فقط (تكفي لقضاء ساعه في النادي ) وبالذات اذا كان عزوبي ويتحجج بعدم التسجيل في النادي ضيق الوقت او الماده او الانشغال اعرف ان هذا الشخص غير مبالي وكسول وان الاعذار اللي قالها اعذار مالها اي صحه

هذا اللام اللي بغيت اقوله واشكركم مره ثانيه على التواصل