الحل الوحيد والامثل واللي يخلي الرجل يسكت وينطم واللي انا جربته وحل هالمشكله عندي جذريا هذه النظريه اللي ذاا طبقتيها مستحيل زوجك راح يقارن وبالعكس لما يشوف الفضائيات شئ عادي واصلا مايثير الغيره فيكي انا قبل كنت أرعل وابكي وممكن ما انام وما أكلمه عشان هالموضوع هبله وصغيره بس الحين لأ صار ماضي اشلون
مره في سيره وانفتحت كان في مو ضوع عن الزواج والجنس فوحده من المختصات قالت في زوجات أثناء المعاشره بيتخيلوا زوجهن رجل وسيم مثل الممثل الامريكي براد بيت وضحكت وقال ي زوجي وهو معصب ليش تضحكين ؟؟
قلت له معاهم الزوجات حق لأن براد بيت وسيم مع اني عمري ماتخيلت أحد غير زوجي أرتفع ضغطه وانا أقول في قلبي الله يا الزمن
فاخذي قناعه اقنعي زوجك واقتنعوا فيها ياالرجال أن البنات اللي في الأفلام والفيديو كليب تقابلهم رجال وسيمين وطوال وحلوين مو معقوله راح اتقابلونهم انتوا ألا اذا كنتوا بوسامتهم وطولهم وجمالهم ففي هالحاله راح اتكون المقارنه عادله وطبيعيه لكن اذا كنت مكرش ونفسك خايسه وشعرك فلافل وطولك شبر أو أي من الصفات المذكوره ادناه فألزم الصمت واحمد ربك ان مرتك متحملتك واللي زوجها طويل ووسيم الله يكون بعونها