اختي العزيزة رضوى ......
احسن شي سويتيه انج استخرتي وعرفتي ان الله سبحانه وتعالى غير راضي وانتي بعد الصلاة ماسترحتي نفسياً .
ما بلومج على اللي صار بس اخذي بالج من اللي بيصير وتداركي الموقف وبسرعه لان يمكن لو خليته معلق مايدري انتي موافقه او لا يمكن يخسس فيج كل اللي نطلبه منج اقطع علاقتج فيه ولاتردين على الجوال ان شفتي رقمه او غيري الرقم احسن او لايكون عنك رقم عشان مايحن قلبج وتتصلين ، الهي في قرأه القران والصلاه واجلسي مع اهلك واخوانك وصديقاتك ، اعتبريني اخت وابغي مصلحتك وصدقيني كل من ساهم بكلمه او راي في هذا الموضوع اللي يخصك والله انه يحبك ويخاف عليك احمدي ربك انه ستر عليك ومن اليوم طنشي ولا كنك تشوفين رقمه ولاتفتحين الماسنجر اذا كان متواصل معاج عليه، صدقيني مافيه احسن من الزواج التقليدي وان الرجال ما يعرفك والاتعرفينه الافترة الخطوبة وتكونين حافظة كرامتك ،، ماتدرين يمكن لواخذتيه بعايرك انك مثل ماعرفتيه بتعرفي غيره ويمكن يعيش معاك وهو شاك فيك ... اسمعي كلامي وصارحيه وقولي له ان نصيبك مو معاه ومافي احد ياخذ نصيب غيره في هالدنيا ، الله يوفقك وانشاءالله نقرأ رساله وانتي تبشرينا بالزوج الصالح واللي يستاهلك ويحطك في عيونه . وسامحيني ان طولت عليك .