الموضوع هذا فيه ثلاثة أطراف :
الطرف الأول / البنت
وطبعا هذه لم تخطئ وكان موقفها معقول جدا

الطرف الثاني / الخاطب واخته
يبدو أن الولد مستعجل جدا أو خطب من كذا بيت ويردونه او ما يلقى اللي في باله فهو غير مطمئن وعلى أعصابة وخايف ينرفض فهو يضغط على اخته وهي تضغط على البنت هذا احتمال
أو أن الاخت هي المستعجلة تعبت جدا من البحث وتبي تزوج اخوها بسرعة وتفرح فيه وطبعا انا لا أوافقها على هالموقف بالعكس المفروض تكون اهدى واكثر حكمه ورويه وتحط نفسها في مكان البنت
ولا تقعد تحرجها : يالله يالله بسرعه ايه والا لا اللحين اللحين << ابد هالشي ماكان مناسب

الطرف الثالث / أهل البنت
وكأي أهل يبون الستر لبنتهم ركبوا موجة الاستعجال اللي تسبب فيها الطرف الثاني والمفروض يكون عندهم جواب يدخل الراحة والطمئنينة لقلب الولد واخته وانهم مبدئيا موافقين ويرحبون لكن بعد كم يوم بنرد عليكم ثم يقنعون البنت بكل هدوء يعني عليهم نسبة 20 % من الخطأ

في النهاية اقول الله يكون في عون هذه البنت وكل من مرت او ستمر بمثل موقفها ويوفقها لما فيه الخير وأنا بصراحة أقدر موقف أي بنت تمر بهذا الموقف الصعب واتمنى من الجميع أن يتعاملون معها بأسلوب هادي ومريح وبدون شد



شكرا لكم