إحساس قلب شكلك ميته فيه! والله سالفتك تذكرني بسالفتي!
أنا زوجي أخلاقه 100%....محبوب بين الناس ولسانه عسل لدرجة إن أهلي يحبوه كثير!!!! يحبني ويخاف علي من النسمه.. ولكن كل هذا ما يكفي تعرفي ليش؟؟

جواله طول الوقت ما يوقف لدرجة إنه مخليه على الصامت... والله العلي العظيم إني ما أبالغ... رسائل كثيره توصله وهو طبعا يرد عليها وهذا من غير الرنه المتكرره في الساعه علشان يرد ويتصل فيهن !!! وأزيدك من الشعر بيت فاتورة جواله ماتقل عن 2000 شهرياً...........هل تقدرين تتحملين هذا الشئ؟؟ هل تقدرين تتحملين إن يرسل رسائل لصاحباته و إنتي قاعده قدامه ويحاول يخبي إللي يكتبه علشان ماتشوفي؟؟؟ شو بتكون ردت فعلك إذا لمحتي إنه كاتب كلمة ( حبيبتي) لغيرك؟؟؟؟

إذا كنتي تتحملين كل هذا ....فتزوجيه! وعلى فكره لا تقولين بغيره بعد الزواج!!! مستحيل


ليتني طلبت المشوره من الإخوان والأخوات في هذا المنتدى قبل ما أتزوج...لأني على الردود إللي قرأتها ....والله إني برفضة!!!! بس قدر الله وما شاء فعل! هذا إمتحان لي من رب العالمين!


وعلى فكره إختي الإيدز مش هو المرض الوحيد الجنسي إللي ينخاف منه! الأمراض الجنسيه كثيره وكلها تسبب نقص المناعه.....وعلى سبيل المثال أنا أحمل فيرس من زوجي و بظل طول عمري أخذ كبسولات فيتامينات قويه إللي تتعب المعده علشان مستوى المناعه يكون ثابت+ فحص سرطان الرحم كل 6 شهور +التحاميل المهبليه!!!


إستخيري ربك كذا مره...........والله ينور بصيرتك.........وإن شاء الله مانكون ظلمنا خطيبك

__________________
[FONT="Arial"]

أربع خصال من الجهل

من غضـب على مـن لا يُـرضيه
وجلس إلى من لا يُدنـــيه
وتفاقر إلى من لايُغنيه
وتكلم بما لا يعنيه

[/FONT]