أخي الكريم هون على نفسك ... والله إنو الله ما رايدلك غير الخير ...
الصراحة بكلمك من واقع تجربة شخصية .. أنا لما تمت الملكة بيني وبين زوجي .. الله لا يوريك المعاناة ... لأنو تقريبا نفس الوضع كان عنا .. ممنوع منعا باتا أطلع أنا وياه إلا بوجود محرم -يعني لازم حد من الأهل معانا- ... وحتى بالبيت لما كان يجي يزورنا كانوا يقعدوا معانا ووين ووين لحد ما أحيانا بالصدفة يفضى الصالون من الأهل إذا انشغلوا بشي .. يا دوب نسرقلنا دقيقة أو دقيقتين سوا ... والسبب إنو وجهة نظر الأهل إنو ما حد بيعرف شو ممكن يصير .. كانوا يحكولي لما أتضايق وأعصب من هالوضع لأنو حلالي أنا وإياه .. كانوا يقولولي إنهم بخافوا علي وإنو ممكن إذا تركونا نطلع يصير شي بينا لأنو الواحد ما بسيطر على مشاعرو لما يكون مملك وكل شي بالحلال ... ولأنهم سامعين كتير قصص ويا ناس تركت بعضها بفترة الملكة ... فمع كل الزعل اللي كان يصيبني لكن كنت ألتمسلهم العذر بسبب طريقة تفكيرهم ...
فلا تستغرب أخوي من اللي بيصير معك .. واعرف إنو هاي العادات مش شرط تكون لبلد معين أو منطقة معينة ... يعني أنا من فلسطين ... بس كتير صاحباتي أو حتى بعض الناس في منطقتنا في نفس فلسطين ،،عادي بخلوا بناتهم يطلعوا مع خطيبهم ... يعني الشغلة بتعود عالأهل وطريقة تفكيرهم ومدى خوفهم على بنتهم ...
نصيحتي إلك : عجل بالزواج والله يتمملك على خير ... وإن الله مع الصابرين
أختك
ملاك
__________________
RoOd
(كل الشكر والتقدير لك حبيبتي على التوقيع)
