اختي مو معناته زوجج تغير عليج و تزوج انج تروحين تدورين غيره .. ترا مهما يكون هذا زوجج ولازم تحترمين العشره اللي بينكم اهو مو صاحبج و عادي تهدينه باي وقت !!!!

بصراحه انا استغربت .. لان المفروض انج تصونين بيتج و تحافظين على زوجج .. سواء طلق الثانيه او ماطلقها .. وهم الثانيه انسانه .. لها مشاعر .. وزوجج تزوجها يعني هم حرام يطلقها .. و اذا طلقها معناته يبيج انتي فليش تخونينه ؟؟

الحين انسي كل شي صار منج او من زوجج و فكري بشغله وحده .. طاعه الله سبحانه .. لمن انتي تتعرفين على واحد ثاني و ماتقدرين تستغنين عنه معناته خيانه .. وانتي على ذمه ريال مو متطلقه و نقول ممكن يتقدم لج الثاني !! .. حتى لو يبيج المفروض ما تكلمينه ..

ردي حق زوجج و بيتج و اتركي علاقتج بزميلج بالعمل ولا حب ولا بطيخ لان هذا حب فاشل و حرام و مو حب اصلا مجرد احساس باللي فاقدته ..

وبعدين حتى هذا اللي عرفتيه مو اهو الانسان اللي يستاهل انج تطلبين الطلاق عشانه لانه اهو انسان يدري انج متزوجه و مع هذا عادي عنده انج تعرفينه هذا انسان بلا ضمير وبلا اخلاق ..

و هذا رايي ..