شوفي انا كنت زيك اقول 10 سنين اقصى حد لكن النصيب اللي الله كاتبه كان كذا واتزوجت زوجي اللي الفرق بينا 14 سنه .. اقدر اقولك انه الحمدلله ولا مره ندمت تعرفي ليه؟ لاني حسيت اني مع رجال صح فاهم وواعي للدنيا اي مشكله يحتويها ويقدر يحلها باذن الله تعالى لكن انا باقولك تفرق حسب الشخص على قولة المثل اصابع يدك مش زي بعضها ..

من ايجابيات فارق العمر انك انتي تبقي صغيره هو يكبر وانتي لسه تباني اصغر منه
ممكن يدلعك كثير ولا يشوف حاله عليك يعني بعض الشباب الصغار يشوف حاله على زوجته من ناحية الوسامه وانه البنات تتمناه وكذا..
من الناحيه الماديه غالبا بهذا العمر يكون كوّن نفسه غير لما يكون شاب صغير لسه ببداية المشوار فغالبا اذا الله اراد ممكن تعيشي في بحبوحه اكثر من اقرانك..

من السلبيات اللي ممكن تحصل انه احتمال يعتبرك صغيره فيكون مسالة اتخاذ القرارات عنده و ما يرجعلك فيها لكن انتي بتقولي انك ما شاء الله عاقله وعقلك كبير فان شاء الله مارح تواجهوا هذي المشكله لانه هو بيلاحظ رجاحة عقلك من البداية..

عموما الله يختارلك اللي فيه صالح وخيره لدنياك واخرتك ولا تنسي صلاة الاستخاره