منتدى عالم الأسرة والمجتمع - عرض مشاركة واحدة - ساعدوني بالحلول قبل ان يقع ما لا أريده,,

12-07-2006, 11:00 PM

#26

ضـرغـام

عضو مميز ومثالي

تاريخ التسجيل: Dec 2003

المشاركات: 154

عذرا على تأخري على الرد ولكن باقي شهر ونصف على العرس ومحتااااااااااس من كل جهة
وجدت علي بعض الأمور بعضها مضحك وبعضها ما تدري تحت أي بند تضعه..

اليوم انا وام البنت نسولف اقول لها فعلا البنت ما تعرف شي ولا تستهبل ؟!!

قالت والله يا ولدي مدري وش اقولك مرة أقول ما تعرف ومرة تستهبل ..

تخيل امس غسلت بطني من الضحك

قلت لها ليش ؟؟!
تقول زوجتي لأمها : يمه انا خايفة من شي.

الأم : عسى ما شر وش خايفة منه ؟

زوجتي : خايفة العرس يصير وانا حامل ..!!

الأم : وش لون تصيرين حامل وانتي ما رحتي لزوجك؟

زوجتي : إيه يمه خلاص حنا كتبنا العقد وانا وقعت على الورقة اني زوجته ووافقت و هو وافق فلازم يصير حمل ..

الأم وهي تضحك يا غبية وش لون بيصير الحمل عن طريق القلم ؟!

زوجتي : اجل وش لون تبين يصير الحمل كل الناس كذا يعقدون بعدها يحملون ..

-انتهى الموقف-

اسألكم بالله هذي وش افهم فيها وش اقول لها ...
ادعو لي ..
لو اعدد لكم المواقف راح تتعبون يعني مواقف مضحكة من جد
عاجبني فيها برائتها بالتعبير والبنت فعلا على وجهها ..

ادري طولت وهذي ردودي على الاخوة
اخوي قطر الندى
كلامك 100% وهذا انا اللي قلته لأم زوجتي نها تتركها وبكيفها تخيلوا البنت تفكر تأخر الزواج تقول احس انه فيه شي يخوف وانتوا مخبينه علي
تقول انا في فترة الملكة كذا مبسووطة ولا تعكرون علي مزاجي ...

والله العالم اني راح اسوي اللي انت سويته والله يبارك في أهلك و زوجك ويجمع بينكم على خير ..

alseem
مشكووور اخوي على مشاركتك والله يرزقك بأفضل من زوجتي تعينك على ذكر الله وشكره وحسن عبادته وذات دين وجمال ونسب..
موفق..

غـاليــة
شاكر مشاركتك..

لكن البنت فعلا لا تفقه شيء في هذه الأموور
حتى اختها اللي ماخذه اخوي اكبر منها وجاهلة فعلا حسب كلام ام زوجتي ...
وكتاب تحفة العروس احسه اذا قرته ممكن تنصدم .. البنت مجرد كلام بسيط حامت كبدها ورجعت الله يكرمكم ..
فما بالك اذا الكتاب مثل هذا عندها ممكن تطلقني ..

قزم بس عصبي
اللهم لك الحمد كما ينبغي لجلال وجهك وعظيم سلطانك ..
الله رزقني بشي ما اتوقعه له الحمد حتى يرضى وله الحمد اذا رضي وله الحمد بعد الرضى .
والله يرزقك بأفضل مما رزقني ..

فرفورة أنا..
الله يعطيك على قد نيتك ويوم عرفت انه في مثل زوجتي ارتحت وعرفت ان حالتي ما هي غريبة..
الله يطمنك دنيا وآخرة ..
ترى اللي أمثالك قليل بالزمن هذا ..
الله يوفقك.

بحرينية ولكن
مشكورة .. وماقصرتي .

طير الصاف
اعرف حركات البنات ونعرف البير وغطاه ولكن البنت فعلا جاهلة وما تتريق او تستهبل ..
الله يكون بالعون.

مخملية الإحساس
كلامك قيم وفي عين الاعتبار ..
واسأل الله ان يرزقك على قد نيتك ويحقق مرادك ..

اشكركم على مشاركتكم لي وابداء آرائكم واذا احد عنده اضافة او تجارب فلا يبخل علينا بها ..

تحياتي لكم جميعا اخوكم ضـرغـام