مرحبا جميعا جميعا وخصوصا عمو ضرغام ياشيخ زكرتني بواحد اعرفو ووحده اعرفها
<< ابدا ابدا مو هيا وخطيبها احم احم
ياشيخ خطيبتك رحمه ترى جمبي
والله انا كنت زيها واكتر وحط تحت كنت الف خط وخط
ياسيدي لما كان يقولي خطيبي حبيبتي والا عمري اقلبها نكد عليه اسبوع ما اكلمه عشان يقولي كلام قليل ادب
واسوبو ونتهاوش يوووووه وحاله
وجلسنا ياسيدي قريب 8 شهور ما ينفتح بيننا كلام كدا ابدااااااااااااااا ولو جا يزورني ياويلو لو قرب والا حط طرف اصباعو الصغير عليا اقلو انتا قليل ادب ما تستحي تبغا تستغلني وحاله والله لما يقولو وحشتيني اقلو حسك السماعه في وشك لو ما سكت بلا قله ادب بس ايش كان السبب؟؟؟ دا اهم شي يعني مسلا زي الاخ مشاعر مرهفه بصراحه انا بالمره ماحبيت كلامو لانو قاسي بالمره وفي رايي مو من حق اي انسان يحكم على انسان بالسوء وهو مو عايش الموقف لكن سيبنا منو الله يهدي ما خلق
ياسيدي السبب انو انا من جد متخرجه من الجامعه وليا صاحبات واروح واجي وكل شي لكن كان تفكيري يقرف من دي الحاجات وعلى بالي وكنت مقتنعه براي انو مو لازم كل متزوجين يسير بينهم قله ادب يعني مو لازم يخلفو بس من فين نابع دا التفكير لا تسالني وكان كل ما احد يكلمني واللهي اشتكاني لماما زيك وكمان مره قرب جمبي قدام ماما ودفيتو وقلتلو انتا قليل ادب وعينك ماتشوف الا النور خخخخخخخخخخخخخخ
بس ياسيدي الحمد لله حاليا الوضع مررررررررره اتغير وكلوو بتوفيق من ربنا ومجهود من خطيبي بسراحه كان مره متفهم لحالتي كان ياخدني على قد عقلي بس نصيحه مني ليك اخويا احذر انك تسيبها على راحتها لازم تقنعها بالواقع ترى لانها مهي متصورره الوضع شويه شويه والله انا كنت اقرف منو ازا قلي حبيبتي والا قلبي كان قلبي يغوش بس دحين اموت لو ما سمعتها منو اهم شي انتا لا تتركها وكلو عليك بدون ما تغصب عليها ولا تحسسها انك بتحاول تعدل فيها وبدون ما تشعر هيا رح تتغير اهم شي تحوبك وتتعلق فيك وبعد كدا صدقني رح تسير انتا سيد الموقف وكمان ازا تحوب دلها على الموقع وانا مستعده اكلمها واشرحلها لانو واللهي ندمانه على كل سااعه مضيتها في تفكيري الشول لانو حرمني من لحظات حلوه مره كتير فما اتمنى احد يكون زيي
عمووما ربي يسعدكم ويوفقكم اهم شي طمنا عليك لو اتعدل الوضع