آسفة أخوي ما أقدر أفيدك بحل بس أنا أظن إن هي يمكن و الله أعلم متعقدة من هالشي
يمكن أبوها كذا أو أحد من أزواج خواتها أو قريباتها علشان كذا هي خايفة انت تطلع مثلهم
ما دامك تقول ان باقي أقل من شهر على العرس أنا أظن إن يمكن بعدين لما تكونون مع بعض في نفس البيت هي راح تشوف بنفسها انك موب كذا
و الله يعينك بس اصبر عليها شوي الحين تعرفنا حساسات شوي و بالذات الحين هي قبل العرس أعصابها تلاقيها تلفانه (أعرف وحده عرسها بعد اسبوعين و بس تبكي تبكي) يعني راعيها شوي و خذها على قد عقلها لهالفترة بس...يعني اعزم أصحابك يسهرون عندك بالبيت إذا ما تستغني

إذا تبغى نصيحتي كأخت دق عليها (مو لازم تعتذر إذا ما تحس إنك غلطان ولا تتوقع منها اعتذار) قول لها باقي أقل من شهر على زواجنا و مو معقوله نبدأ شهر العسل و احنا زعلانين من بعض...استمتعوا بآخر أيام الخطوبة
و بالنسبة لمشكلة الخطوبة أصبر و شوف أيش يصير بعد الزواج إذا ما خفت وقتها تحلها بطرق ثانية بس لا تفتح لنفسك باب الحين يعني هي أكيد ما هي بنفسيتها الحقيقية فممكن أي شي تسويه يسبب رد فعل إنت في غنى عنه
و الله يوفقكم و يبارك لكم