راح اقول لكم عادتنا بالسعوديهوطبعا تختلف من منطقه لمطقه ثانيه
اول شيء يتم التقدم للفتاه ومن حقها ترفض او توافق
بعدين اذا وافقت يجيبون هديه
وبعدين يتم يوم الملكه وهو يوم عقد القران وبعد الملكه تصبح خطيبته ومن حقه انه يجيها للبيت او تطلع معاه
ويعيشون فترة الخطوبه الرومنسيه اللي هي طلعات مطاعم وتمشي وطبعا بسون حفلة خطوبه ونسميها الشبكه لان المعرس يلبس العروس طقم الشبكه " طقم ذهب " ويلبسون الدبل
وبعدين يسون ليلة حناء وهي ليله يجيبون فيها العروس ويجلسونها وتحنى امامهم
ويسون ليلة ممروس وهي قبل العرس بكم يوم يجتمعون الاهل ويسون اطباق الحلى ويسون الممروس واعتقد انكم تعرفونه وهو عباره عن دقيق وتمر وزبده يخلط مع بعض وبعدين يوزعونه على الاهل
بعدين يجي اليوم المنتظر وهو ليلة الزفاف وتتم مراسيم الزفاف المعروفه وبعدين يوم الصباحيه وهو يوم ثاني وفي العصر يسمونه حبة الراس
وسبب تسمية هذاالاسم لان العرس تقبل راس حماتها وتتتلقى الهدايا من المدعوين وبعدها تتمنهي المراسيم