اسلوب رائع وممتع جدا بطرح القصه
الحقيقه هو ماغلط لما طلقها ... الصراحه ماالومه وبصراحه اكثر اللي عملوه معه اهل طليقته ( خاله وبنت خاله ) هذا اسميه لعب عيال ....
والله بجد وبكل صراحه اسميه لعب عيال مع احترامي .... كم مره تأجل الموضوع لأسباب ماله ابدا اي داعي ....
يعني مايكفيه صبر سنين دراسته ( وهم على وعدهم فقط لما يخلص هو دراسته ) ويجون بعدها يبغونه يصبر على دراسه البنت ؟؟؟
واذا ماخلصت البنت دراستها الا بعد خمس سنين او ست ؟؟؟ ثلاث او اربع سنين ممكن يصير عنده اطفال ويدرس وهي بعد تقدر تكمل دراستها ...
وانا متأكده اصلا وعندي احساس كبير حتى لو خلصت بيلقون عذر ثاني علشان يتأجل الموضوع ... لأنهم شكلهم يبغون الرجل ولا يبغون يطير منهم ( بيحجزونه يعني ) لما تتغير ظروفهم وينقلون لنفس المدينه اللي بتعيش فيها بنتهم ...والدليل انهم زعلوا كثير لما طلقها .....
والله الشاب معه حق بكل اللي عمله ورايته بيضاء وماظلم البنت ... البنت واهلها هم اللي ظلموا انفسهم وهم متأكدين من الشي هذا ....
الخطاء والغلطه الكبيره اللي راح تصير هي لما يتزوجها .. احتمال كبير تكون بدايه الكارثه والالام له بمعنىالكلمه ....
اولا هو نفسه يصرح انه مازال حاقد على اللي صار ... ويعترف بحبه لزوجته واخلاصها ومحبتها له وتفانيها بخدمته ... وممكن ماترضى بعد كل اللي قدمته يتزوج عليها وتبدا مآسي جديده معه ... غير كذا مو صالح بنت خاله انه يتزوجها لأنه مايبغاها الحين ومثل ماقال هو حاااااقد ومنقهر من اللي صار له ....
يعني بأختصار راح تكون بدايه الم .... لكن بما انه مايبغى مايعصي لأمه طلب .... رايي يكلم البنت نفسهااااا ...
يكلم طليقته شخصيا او يرسل اي اخت له تكلمها انه مايرغب فيها ولا يبغى يتزوجها .. وانه مو من صالحها توافق ... ومثل مارفضته في السابق ضروري ترفض لما يتقدم لها مره ثانيه بأجبار والدته ... وهي الله بيرزقها اللي يقدرها ويقدر ظروفها ....
اما انه يتزوجها والنفوس مو راضيه على بعض .. غلط ...غلط ...غلط .. ضروري يلقى طريقه يرضي والدته ولا يعصي امرها ولا يجرحها .. وبنفس الوقت مايتزوجها ...
<<<<آآسفه على الأطاله .. تحمست مره مع القصه ... ياترى هي حقيقه والا من نسج الخيال ؟؟؟؟