عجبي .... على زوجي العزيز ...لم يسعدني بكلمه حلوه من يومن خرجنا من المستشفي
عجبي ....عليه..... وانا انام يمه في ثاني ليله لي معه وبوضع بيننا حواجز
اليس الاجدر به .....ضمي الي صدره وتدفئتي..
وتقبيلي وسماع كلمة تصبحي على خير ..ياحياتي ...صعبه عليه ..ماتعلمها من قاموس الحياه
عجبي على حظي ..وانا قريبه منه وفي نفس الوقت بعيده
قريبه منه يجمعنا سرير واحد وبعيده عن احساسه وقلبه
وين الكلام الحلو الي سمعته في المستشفى وين ضمت اليد وتقبيلها كل ..ذا امام الناس
حطيت راسي على مخدتي وانا اتجرع لحظات الاسى وكؤوس المر ..ضممت جسدي بقوه
ولم اهنا بالنوم وانا انتظر اللحظه التي يضمني فيها ...وعند دنو دقائق الفجر ..احسست
به ينهض من السرير ويرتدي ملابسه ويضع شماغه ويهم بالرحيل .
خاطبت نفسي ..احتمال يبي يصلي الفجر ويجيب معه فطور او شي من هذا القبيل
نهضت بعدها ..وصليت الفجر ....ودعيت الله بان يلطف بي ويحنن قلبه علي
رجعت الى سريري واحتضنت مخداتي ..وخلدت في نوم عميق
ولم افق منه الا الساعه الواحده ظهرا ..... لقد كان الله بي لطيفا
..وعرفت بان زوجي لم يعود منذ خروجه الفجر
قلقت عليه كثيرا واتصلت على جواله ......................جواله مغلق
وبدا ت ...اعصابي توتر .. والشكوك تهاجس فكري ......
اتصل على اهله وافضح نفسي ..يقولون ولدنا هج منها من ثاني يوم.......
اتصل على امي وارفع سكرها عليها ..وتقول اكيد سويتي شي للرجل
ياويل قلبي .....يارب ساعدني
احترت واحتار دليلي ....وبدا ت اشباح الحزن تدق محاجر عيوني ..
وانهالت دموعي تشكي اسفا على تعاسة حظي وما كان امامي ...سوى الانتظار
وعند الساعه الثالثه والربع ظهرا احسست بخطوات ثقيله تقترب من الباب ...
وزادت دقات قلبي وتصبب العرق مني وكنت على يقين بان القادم هو ....
فتح الباب بهدوء سررت لرؤيته ..وتجمدت شفتي ولم استطع رد السلام عليه نعم نشف ريق
دخل .والقى بجسده على السرير وانا اتابعه بنظراتي وتساؤلاتي ...........
وين كنت ..ويش الي صار
رايته منهك الجسد رث الثياب كانه لم يرتاح لحظه واحده ..فتركته ليستريح
ولازمت الصاله ................وتهت في صمممممممممممممممممتي
زوجي العزيز ....................الله يسامحك
9
ماهي الا دقائق معدوده ....واذا به يطلب مني الاستعداد للانتقال الي بيتنا
سعدت كثيرا وبدات اجهز اغراضي وارتبها ...وتوجهنا الي عشنا الصغير
دخلت بيتي ..لاول مره كانت شقه متواضعه تقطن في بيت والده الكبير
وتحتوي شقتنا على غرفتين وصاله بكيت من الفرح والسعاده وانا اطاء بقدمي غرفتي الخاصه التي طالما حلمت بها
كانت جميله الوانها هادئه يغلب عليها اللون الؤلؤي الوردي جدرانها معتقه باللون الدستي روز ..
السرير والدولاب من الخشب العسلي المموج بعروق من اللون الوردي الفاتح .
يعلو السرير ستائر ورديه ناعمه تلف به من جهاته الاربعه ويكسو السرير شرشف حريري لونه بيج مطرز
بخيوط من اللون الذهبي يحيط بها ورود حريريه من اللون الوردي ....
الاخدوديات تميزت بنعومتها وكثرت الونها المتدرجه من اللون البيج والذهبي والاحمر والزهر
على جانبي السرير توجد ابجورتان على شكل قلب وقد احيطت بورود صغيره من الورد المجفف ...
(ذي مي من افكاري والله افكار الوالده الله يحفظها ..)
انا فقط احلم وهي تطرح الفكره و تنسقها باسلوب رائع وانيق
هناك بتلات من الورد الطبيعي منثور على السرير وجزء من ارضية الغرفه مما اضفى روعة وجمال على المكان ... حسيت بدفئ الغرفه وجمالها الخلاااااااااب
انتظرت زوجي ليشاركني هذه الفرحه .....نظرت خلفي واذا به في الصاله يتصفح رسائل جواله
لم يعطي الموضوع اي اهتمام ... اقتربت منه ... فنهض من مكانه وقال ابي ازور الوالده ..وارد لكم
تلقفت قلت خذني معك ..قال لا مو هالحين ..شوفي شقتك ويش ناقص فيها ...وطلع ورزع الباب وراه
تبون الصراحه ما اهتميت فيه ....رتبت اغراضي ....
واخذت هذاك الحمام الدافي وتبخرت وبخرت شقتي
ولبست احلى ماعندي؛؛؛؛؛؛؛
وجهزت القهوه ..وتقهويت ...ومن فرحتي رقصت لين تعبت من الرقص .
راح الوقت وانا ما حسيت فيه .... زهبت العشاء كل شي حطيته على الطاوله واشعلت الشموع
واطفاءت كل الانوار ....وحلمت بليلة رائعه مع عريسي الغائب . اخيرا حضر فارسي الملثم .....
وفوجئ بالوضع ...وبدا بكل عصبيه يصارخ انتي ويش تسوين ..انجنيتي ..تبين تحرقينا
وبدا يطفي الشموع ويضئ الانوار... والله مارديت ولا اهتميت ...بعد وقلت العشاء جاهز
...رد تعشي انا تعشيت عند الوالده ..شلت العشاء من الطاوله بكل هدوء ..وهو يسترق النظر الي
...حسيت نظراته مي طبيعيه فيها لؤم وغدر واصريت على السير امامه خطوه خطوه ( وانا قلبي يتقطع من الخوف )ووقفت وقفه مائله وقلت تبي شي .......؟ انا ابي انام تعبانه .. قال :لا شكرا
ودخلت غرفتي ..ولبست قميص نوم لونه لؤلؤي عليه روب قصير وفليت الشعر ..
واصريت اخرج من الغرفه واروح المطبخ
( ابي احرق قلبه..وعارفه انه مايقدر يطولني ..لاننا في بيت اهله )
وصبيت لي عصير ورديت الغرفه وهو يتابعني بنظراته ...خطوه خطوه
وماهي الاثواني الا هو داخل الغرفه ...وسألني ....
ويش العصير الي معك قلت عصير فراوله ..قال ابي منه
قلت ابشر ..وجبت العصير ..كان جالس على اريكة صغيره بقرب السرير...
قال الحمد لله اليوم اشوفك بخير
رديت الحمد لله ...في بيتي ومعي زوجي
وقال قربي من ابي اقول لك كلام مهم جدا وابيك تفهمينه عدل ...قربت منه ..قال اسمعي يابنت الناس
انا انسان جدي والاشياء الي تسوينها بصراحه ما اهتم بها ..انا مايهمني شمووووع ولاورووود ولا قمصان مشخلعه
وانتي منتي محتاجه لكل هذا ...انتي انثى بكل المقايس ..
والي سويته معك في اليومين الي فاتت ..... لاتلوميني عليه ..صابر طول عمري وماعرفت الحرام ..
وما لمست حرمه بحياتي؛ واول مره اشوف حلالي بين يديني وانا انسان احب ذا الشي مهوس فيه افكر فيه ليل مع نهار هلكت نفسي من كثر ما اصوم .. ومافي فائده ..فارجوكي ..ثم ارجوكي
لاتثيرني ............رجاء خاص ..لاني والله معرف ويش اسوووي
واخاف اذيك ........ والي ينظر.... تراه ....انتي اولا واخيرا
ولاول مره المسه عنوة ومسكت يديه ... وانا اطلب منك طلب ..................
خااااااااااااص ......
ذي احلامي حلمت بها منذ طفولتي ...ارجوك ...خلني اعيشقها بكل لحظاتها وثوانيها
قال : احلامك محصوره في خرابيط شموع وورود منثر على السرير وقمصان مالها داعي
قلت لا والله حلم حياتي زوج صالح حنون دافئ رومانسي يدلعني..يحسسني بكياني وبوجودي
تهرب من الرد على او النظر الي
وقال شوفي من بكره ابي اشوف دكتوره ثانيه تكشف عليك لاني ما اقتنعت بكلام الاولى
قلت سوي الي تبيه؛؛؛؛؛؛؛؛؛؛
رد وقال والله مروقه الليله .. والله لو دريت انك بترتاحين في الشقه ما خسرت فلوسي في ذاك الفندق
ونهض وقال عموما ..الله لايهينك نظفي الغرفه من ذا الورد المرمي .. علشان ابي اشوف فلم وارجع انام
10
نقمت على جملته الاخيره وطريقه لفظها ...وقمت اشيل الورد من الغرفه..
وبتلاته التي قد جف ماؤها ...من العطش ..كما جفت احساااسي من الارتواء بعشيقي
بدأت اسال نفسي .......معقوله انا متزوجه .والليله اول ليله انام فيها ببيتي وذا زوجي
معقوله في زوج مثل زوجي ..ويسوي سواته ...
معقوله كل ما اقرب منه يصدمني بكلماته المتعجرفه ...فيخمد لهيب الشوق في صدري
اااااااااااااه ...انا فيني شي مو طبيعي او مو عاجبته .. او هو متندم على زواجه مني
ويش منطق الزواج الي يعترف فيه ....؛؛؛ لقاءت حميمه فففففففففقط
مافي سواليف ولعب ومزح ودلع ...المفروض ذي فرصه نتعرف فيها على بعضنا اكثر ..قبل لانبتدي اي خطوه
تدرووون شكيت بروحي ووقفت امام المراه وبدات اناظر نفسي ..ويش فيني شي غلط ..ويش الي موعاجبه فيني
يمكن لوني عيوني شعري طولي جسمي رسمي واحتمال حيائي وخجلي وخوفي منه هو الي ...
زرع ذا الشي في نفسه ..او طواعيتي التامه له وفوزي برضاءه هي السبب ....ويمكن ...اسئله كثيره حائره في بالي
المشكله التي اعاني منها ومتعبتني ..اني استحي منه ومقدر اخذ واعطي معه في الكلام
اذا شفته وحط عينه بعيني اضيع ..وانسى نفسي ....وينعقد لساني ويكون الجواب على قدر السوال
فكرت اكتب له رسائل بالجوال ....واوصل له احساسي ..واكتب الي عجزت اقوله وينطق به لساني
وفعلا ..ارسلت اول رساله حب وغرام ...والثانيه بعد والثالثه عتاب وولهه والاخيره كتبت
ممكن تدعوني لمشاهدة الفلم ...معك ............ ولا حس ولاخبر ....
واخيرا تندمت ا ني ارسلت هذه الرسائل
بدات اشك في الامر . ليه مايرد على الرسائل ...احتمال خرج من البيت وخلاني لوحدي
وجن جنوني ...قلت لزم اخرج واشوفه ؛
خرجت من الغرفه وتوجهت الى الصاله ..واذا به متمدد على الكنبه ..ياقلبي ونائم كالطفل الصغير
سكرت التلفزيون .. وقربت منه اكثر واكثر ..واول مره اتهنئ بشوفته ..واتغزل في وسامته
وسرحت في كل جزء من جسمه .
فكرت اصحيه واخذه للغرفه ..قلت لا ابي اشوفه واتهنى فيه قبل لايصحى ..واكسر الخجل الي بداخلي
راح الوقت وانا ماحسيت بروحي ...واقوم علشان المسه وارجع مكاني مره ثانيه والله سويت الوضع ذا فوق مائه
مره اخيرا صحيته ...صحي وناظر فيني وكانه ناسيني ..ورد وافتكرني ...وجلس وقال ويش تسوين هنا
قلت انت نايم بالصاله ..ايه عارف ..اتركيني ...لاو الله ماتنام هنا تعال غرفتك ..واخيرا استجاب لي
ومسكت بيديه ..واوصلته للسرير ..وشلت ثوبه ...وسحبت جواربه ورفعت اقدامه على السرير
وغطيته ...سمعته يقول انا بردان وطئ بالمكيف ..وطيت بالمكيف وجبت بطانيه وغطيته فيها
وتمددت يمه ...وحسيت فيه يرتجف ..قربت اكثر واكثر واكثر ..ويش فيك ..تحس بشي
قال اطرافي مثل الثلج واحس برجفه في قلبي ...قلت سلامتك .. وضميته على صدري
قلت اتصل على خالتي .......؟ يجون اخوانك ياخذونك للمستشفى
قال ..لا خليكي جنبي وبس ......وبدات احس انه ارتاح وانا ضامته بكل قوتي ...؛
ونام ...مثل الاطفال ..وانا بعد نمت وما حسيت بروحي
زوجي العزيز .........كم احتاجك
التعديل الأخير تم بواسطة أبو فيصل ; 11-06-2006 الساعة 09:30 PM