صراحة خطيبتك فيها شي مني ماهو كل شي
بس بقلك بخصوص انها تتعذر لما تتصل عليها وتقلك انا عند اهلي هذي زيي
لاني بصراحة ماني متعودة على خطيبي وكلامنا مع بعض صح مايخلص بحكم اني كلامي كثير وهو تعدى مني
بس احب اجلس مع اهلي احب اخواتي وحريم اخواني
كل هذا لاني لسى ماتعودت عليه مش لاني مااحبه او انه على اخر القائمة
فهيا يمكن زيي في انها لسى ماتعودت عليك
وغير كذا اكيد انها شاغل فكرها الزفة والكوشة والقاعة والكوافيرة واشياء كثير
يمكن ماتجي في بالك بس تهمنا نحن النساء

انا بصراحة دائما لما اكلم خطيبي بساله عن البيت عن العفش وعن وعن يعني مااقدر اقوله اشتقت لك مثلا
احسها صعبه بس اكيد ان شاء الله انها راح تطلع
ونفس الشي خطيبتك

طبعا القصد من ردي هذا اني ماابغاك تحكم عليها انها ماتحبك لا بالعكس يمكن تحبك وبشده وتستنى اتصالك
بس طبيعة حواء تحب انه الرجال يلاحقها

خاصة انه معروف ان المراة لو لاحقت الرجال هو يعطيها طناش ولو العكس يكون العكس


خلي عنك الوسواس وطنش الموضوع هذا ولو حبيت عاتبها بس بحب ورقة وبين لها انه مكالمتها لك بالدنيا

ترى انا بقلك لو خطيبتك زيي
التطنيش ماراح ينفع معاها راح تنطشك هيا كمان

الحب والدلع والكلام اللي لازم منه هو احسن حل