يانورنا أنــــتٍ

أشتقنالك وأتذكر أني رديت عليك وبعد راح اردك عليك

وأذكرك أنو الشيطان يجري في ابن آآدم مجرى الم في العروق..

ويحاول معك يمين وشمال ( ثم لآتينهم من خلفهم وعن أيمانهم ....)

ماراح يخلينا ..إلا بـــ( وإما ينزغنك من الشيطان نزغ فأستعذ بالله )

وأصحي تتمادي في التفكير لما يراودك هذا الشيء...

تذكري من ترك شيء لله عوضه الله خير منه ...

أقولك بسالفة وربي خصلت لي عن قريب ..صديقتي أقرب من لي خطبتني لأخوها وأنا أكذب عليك أقول ماأحبهم

أقصد أمها وأبوها وأخوانها وهلها كلهم أحس هم الأهل بس

الوحيدة اللي أقولها يمه بعد موت أمي الله يرحمها بس امها وخالتي ماأقولها ولاأفكر في يوم أقولها

حتى أخوها ...أعزه وله مكانه لأني شبه بنتهم وأعرف كل شيء عنهم حتى شخصياتهم ...

وبصراحة قلت فرصة أبعد عن البيت بعد وفاة أمي وحلول زوجة أبي مكانها ..

أخوي في هذه اللحظة شاف رؤياء ...فسرها الشيخ أنو فيه واحد راح يتقدم ففتشوا عنه جيد ا

وفعلا بعد الرؤيا بأربعة أشهر جاء ت هذه الخطبة ......

أول مرةأقول أيه موافقة ..أعتقد هروب مع تمسك بهذه العائلة ...والحقيقة بهذا الشاب ..

رغم أنو بيني وبينه عشر سنوات هو عمره 31 سنه ..

فكان هذا حلمي أتزوج واحد أكبر مني بسنيييييييين

المهم مع السؤال والبحث والتقصي ..أعجبهم ويصلي ووووو....

لحد مادخل أخوي على أحد أصحابه وسأله بالله وقال له لو يطلب أختك توافق...

قال له : نعم ...ويوم جاء اخوي بيطلع قال له : انتظر الصراحة أنه راعي سيجارة ..!!!!!!!!

ومعنى السيجارة في عرف الشباب ..يعني حشيييييييييييش.!!!!!!!!!!!!!!!

لاحول ولا قوة إلا بالله أنا صرت بصدمة مايعلم بها إلا الله تدرين لأني أعرف أنو العيلة هذي محافظة

والله لو تدري أمه تمووووت

قلت لصاحبتي تصدقي استخرت وماكتب الله ...

والحديث يطووول ..الشاهد أنو أهلي كان ما معجبهم بس كنت أنا مصرة ..

خصوصا زن صديقتي وهوا نفسه أعرفه زين ..

والحمد لله أنو ماصار شيء ...

يالغالية كتبت لك قصتي وربي يعلم أنه ماصار عليها إلا كم شهر ..وميتة غرام بالعيلة كلها مو بس بالشاب هذا

صرت بس أدعي له أنو ربي يهديه ...واللحين أنا مخطوبة ولله الحمد لمن أحسبه عند الله من يرضى دينه وخلقه

ومن ترك شيء لله عوضه الله خير منه ..

والله لو كنت موافقة عليه حتى لو كان راعي حشيش أهلي بيوافقون لأنو عندنا حرية شخصية بانتقاء هذا الموضوع

مع التنبيه عليه ..

لكن تركته وحاولت أنساه والحمد لله كله تمام

بقي أن أقول لك ماتعلمين يمكن ربي ردك عن شيء فيه شر لك فاحتسبيه عند الله وقولي ربي أخلف لي خير منه

وفقك الله ورعاك يانورنا أنت

__________________






[IMG]http://graphics.************/i.p.emlove.gif[/IMG]من أحبني فليدعو لأمي بالرحمة والمغفرة [IMG]http://graphics.************/i.p.emlove.gif[/IMG]

لاتحرموني من دعوة قد تستجاب منكم فلأمي المغفرةوالرحمة ولأبي أن تكون زوجته التي أقبلت علينا امرأة صالحة ...ولي التوفيق في الدنيا والآخرة
حتى لا أعيش الحرمان مرتين..ياأرحم الراحمين...