ريم
انا صار لي كم يوم تعبانه وما دخلت النت
بس موضوعك شاغل بالي
ماشاء الله فيه اخوه واخوات متابعين معاك
واكيد واقفين كاخوه معاك
اتمنى انك ما تيأسين
كلامك الاخير مره ما يطمن
زوجك للاسف صار يتخيل
وحيقرف نفسه بنفسه


بس انتي حاولي معاه
وخليكي طبيعيه للغاااااااايه معاه
وحاولي تنسين
وتنسينه
الموضوع حياخذ وقت معاكم شوي لذلك ما ابيك تنصدمين او تحبطين من طول وقت التطور
حتتأخرون شوي
بس انتي حاولي انك تقربين منه وقت النوم
وسافروا لكم هاليومين وغيروا جو
وحذااااااااااااري تفاتحينه في موضوع الزوجه الثانيه
لا تجيبين البلا لنفسك
يمكن هو مو في باله وتفتحين انتي عيونه
ادعي الله انه يهديه لك ويلين قلبه ويحننه عليك
ويهديك له انتي كمان
ادعي وانتي واقفه وقاعده وفاضيه ومشغوله ومنسدحه وقبل نومك واول ما تصحين
خلي الدعاء شغلك الشاغل

اخاف يحتد الموضوع بينكم ويصير فيكم مثل ما صار فينا
زوجي اوهم نفسه بنفسه ان عندي علاقات
وسبحان الله
ربك انزل علي هدوء
والله اني كل ما اتذكر نفسي انذهل ....اقول كيف هاديه ؟


بس والله كله بالدعاء
صرت ادعي الين ما قمت احس بنفسي
وولدي صار يردد من وراي
والكل انتبه

وسبحان الله صارت مواقف والله ان اقل وصف لها ....انها مواقف عجيبه
لدرجة انه مره من المرات وانا عند اهلي
كان خلاص بيطلقني وراح يدور بطاقة العايله ولا شافها
والله يا ريم انها قدام عينه في الدرج لا فوقها ولا تحتها وانه ما شافها
وبعد ما رجعنا لبعض
وطلعتها من الدرج قدامه صعق
طلعت عيونه
قال وين كانت
قلت له في الدرج
قال ما اخذتيها
قلت وش ابغى بها
عرف ساعتها ان الله فوق
وعرف اني مظلومه معاه
والا لو معاه واحد في الميه حق في كل اللي سواه
كان الله معاه وفكه مني

يا ريم ادعي
وادعي وادعي وادعي
وايقني بالاجابه
وتخيلي انك امام الله واستشعري روحانية الموقف وحتنسين العالم

انا وانتي مثل بعض
بس والله اني كنت اسوأمنك

زوجك الان تخيل شكلك مع عمك ولا ينلام مسكين واسأل الله ان يهديكم لبعض

وانا زوجي تخيلني لوحده وبدون اي مقدمات مع ((((شباب)))) وفي الغرفه وعلى السرير
وقام يدور على اغراضهم ويتخيل اصواتهم
واتهمني بأرقام في جوالي انها حقت شباب ولا سكت الا لما انا دقيت على الارقام وطلعوا خالاتي وزوجة ولد خاله
ماكان عندي وقت اكتب اسماؤهم

ترى لما الرجل يتخيل وهم اتوقع انك تقنعينه بالعكس يكون اصعب من لو انه شاف شي ملموس

كيف اقنعه ان الوهم اللي في راسه مو حقيقي؟

اوهامه اتلفت خمس سنوات من زواجنا

وانا ساكته وصابره وقلت استر علي وعليه
بس ما فاد معاه الا لما فشرته قدام اهلي واهله

وصاروا حتى البزارين يدرون عنا

اهله كللللللللللهم وقفوا في صفي وقاموا يسفلون فيه
وقاطعوه

واهلي معاي وقاطعوه

والله قبلهم كلهم معاي ونصرني عليه واخذ بحقي منه واظهر برائتي اماااااااااااام الملأ

ما رضي بها بيني وبينه

وجابها الله قدام الناس كلهم

صدقيني الله ما بيخذلك بس انتي توجهي لله بنيه صادقه

لا تقعدين تنتظرين زوجك ينسى او يتزوج

لا

عودي لله وشوفي كيف يجيك الفرج

اسفه طولت عليك

بس ودي تعرفين ان مصيبتك تهون امام مصيبه اخرى

وانا اقرب مثال

ولو بينا وسيلة اتصال خاصه كنت علمتك بما يقف له شعر الرأس

__________________
[/IMG]