المشاركة الأصلية كتبت بواسطة بحرينية ولكن

اسمح لي أخي أن أعطيك تجربتي مع الغطاء..
أنا قبل الزواج لا أغطي الوجه..
ويوم تقدم لي زوجي قال بالحرف الواحد أنا ما راح ألزمك بالنقاب.. أنتي حرة..
وأنا قلت له أنا ما أقدر على النقاب .. والحمد لله حجابي عدل.. مافيه تبرج أو فتنة..
بعد الزواج الأخ تغير .. وأنا أدري أنه من زود الحب بدا يغار أكثر وأكثر..
بس أنا مانسيت وعده لي بأنه مايجبرني..
وهو بصراحة طلب مني أتنقب بكل الكلام الحلو اللي يطري على بالكم..
وأنا رضخت له.. وكسر خاطري.. ومن حبي له ما بغيت أعارض..
طبعا كانت لي محاولات يائسة .. بس في النهاية استسلمت لطلبه..
وبصراحة شديدة.. لحد الآن أنتظر فرصة يقول لي أخذي راحتج وإذا ماتبينه انزعيه..
مع أن الأمل شبه معدوم..
أكثر من ثلاث سنوات وللحين ماتعودت عليه..
أنا عارفة إنه ماطلب هالشي إلا من حبه لي وغيرته علي..
بس مهما كان هذا الموضوع يخصني أنا أيضا..
لازم يحسسني إن في النهاية هذا قراري ,,
مب يحسسني إن الكلمة الأولى والأخيرة له..

أدعو لي بأحد الشيئين..
يا أما إن الله يهديني وأقتنع 100% بالنقاب..
أو يحنن قلب زوجي علي ويخليني أسوي اللي أنا مقتنعة فيه وودي به..

أخي العزيز.. رفقا بها..
هذي البيئة اللي عاشت فيها.. صعب جدا جدا تغيرها بين يوم وليلة..
وأتمنى أنها ماتكون مثلي..
أنا طاف اليوم وطافت الليلة.. وطاف الاسبوع.. والشهر.. والسنة.. 3 سنوات وللحين أعاني من قراره..