مشكورين من كل قلبي أقولكم

مشكورين على تفاعلكم معي ألف شكر لكم

على دعواتكم لي ولزوجي

وجزاكم الله ألف خير على مشاركتكم هم سكن بقلبي سنين طويله

هم ثقيل ما أظن أحد يشيله بقلبه كثر ما شلته بقلبي لوحدي من وانا طفله الى صرت شابه مراهقه الى صرت زوجه


والله صحيح أحس تصرفي غلط اني قلت لزوجي عن قصتي

بس أحس نفسيا أرتحت من هالهم اللي بداخلي طول هالسنين ما قدرت أتكلم

لما قلت لزوجي في حاله ضعف وانهيار شديده قلت له وكنت أحس انه هو الأنسان الوحيد اللي يحبني

لما شفته قبلها بأسبوعين يركض بي في المستشفيات زي المجنون وشايفني طايحه مريضه استفرغ وحراره وصداع

شديد وألم فظيع


ما كان يتهم فيني غيره ويسأل عني وعن صحتي بعد كل هذا حسيت أنه مخدوع في زوجته

زوجته لمسها قبله رجال ثاني

صحيح هالشيء غصب عني وماهو بأرادتي شي بالقوة

بس بصراحه قلت بصراحه باللي بداخلي وله حريه الاختيار

يبقى معي او يطلقني او يتزوج علي أهم شي اقوله الحقيقه

وبصراحه ماتوقعت منه هالرد

لما قلت له قلت بنفسي بيضربني كف بيصفعني على وجههي راح يصارخ علي راح يطلقني

ويرميني بيت أهلي

بس طلع رجال ونعم الرجل طلع أنسان ونعم الانسان

خذني بحضنه واخذ يهديني

امي اللي هي امي ماعمرها أخذتني بيوم بحضنها وقالت وش مضيق صدرك يا بنتي

وزوجي هاللي عشت معه سنه وحده بس يحبني أكثر من اي انسان بالدنيا

أهتم فيني وانا بصحتي الكامله و اهتم فيني وانا مريضه طايحه زي الميته

بصراحه انا بحاول قد ما أقدر أعيشه أحلى عيشه وادلعه وأعوضه عن كل شي

رح أحاول قد ما اقدر اني أسعده

وأخلي بيتي جنه بقد ما أقدر بسعده


ويارب يكمل علي بطفل يقولي ماما ويقول لزوجي بابا ويفرحنا فيه

وادعوا لنا بالسعاده

__________________