انا مع الاخ كاره الرياضيات في رايه ...ما كان المفروض تخبرين ريلج باللي صار ..خاصة ان الله ستر عليج وانتي كنتي بكر يوم تزوجتي .... و الاهم ان اللي تحرش فيج هو عمج .. يعني شخص موجود في حياتكم مهما حاولتو تبعدون ... فكان غلط كبير انج تخبرينه .. لكن قدر الله و ما شاء فعل

حاولي انج تخففين الموضوع ... ولا تطرين السالفة مرة ثانية ابد مهما كان السبب .. حتى لو ريلج هو اللي فتح الموضوع في اي وقت حتى لو يبغي يستفسر عن شي مثلا .. اطلبي منه انكم ما تتكلمون عن الموضوع لانه يجرحج .. لان صدقيني كل ما اتناقشتو في الموضوع و ذكرتوه ريلج بيتحسس اكثر و بتحصلينه مع الوقت يبعد عنج...


ان شاء الله ما بيتزوج عليج ... بس انتي بعد لا تحطين السبب في اللي صار وانتي صغيرة .. خلاص انسي السالفة و حاولي تحافظين على زواجج ... ريحي ريلج خاصة في الجماع لانه سبب وااااااااااااااااااااااااايد مهم و اساسي في استقرار الحياة الزوجية و استمرار الحميمية بين الازواج .... واذا كان اسلوبه مايريحج كلميه و اتناقشي معاه بس باسلوب لطيف و بدون زعل وبدون ما تحسسينه انه مايريحج

الله يهديج ان شاء الله و يستر عليج ... و ينسيج انتي وريلج الموقف اللي صار