جزيتم خييرا كلكم
جزاك الله خيرا أخي الرجولة
و بصراحة كنت مستمتعة جدا بأسلوبك الأدبي البليغ الفصيح .. بارك الله فيك
أخي الكريم : كلامك ريحني كثير و يارب يغير السفر نفسيتي ونفسيته للأفضل ...
أنا والله أرحمه لآنه أنطوائي ما يحب يخالط الناس خاصة أهله و أمه وأبوه بالذات .. مع أني دايم اقوله .. أوصيه يكلم أمه ... والله مسكينة

وصدقوني خايفة سفري هذا يعقد نفسيته و يتعب ويحس بالوحدة خاصة إن الجيران كلهم رح يسافرون ... وخايفة كمان أنه ما يشتاق لي لآنه أصلا ما عمره قال لي أنه يشتاق لي إلا إذا أنا سألته ( مرة سافرة عند أهلي وقعدت شهر .. بعدين رجعت له .. وقلت له .. بعد مدة طويييييييييييلة .. كيف العقدة في البيت بروحك قال عادي بعدين قلت له ... صدق !!!!! .... قال لا ..لا أمزح إلا طفشت ...قلت له طيب ليش ما قلت لي وأنا هناك .. علشان اكلمك و أشوف كيف أرجع لك بسرعة ... مع أني لما كنت هناك وأسأله كيف القعدة بروحه في البيت ...يقول عادي الوضع ( يعني وجودي وعدمه واحد )!!!!

وحاجة ثانية : هل من الأفضل أن أقعد شهرين .. قلت لكم شهرين أو أكثر حسب إجازة أخواني
و أنا نفسي أتعالج بعد شهرين هل مهم أقعد هناك حتى تتغير نفسيتي و أرجع مرتاحة و مشتاقة له أو أني أتي بدري إن قدرت مع اني لن استطيع الإتيان بدري
يعني أنا الحين مترددة في قرار السفر علشان مواعيدي مع المستشفى الحكومي مع أن لي عندهم أكثر من 10 شهور ما سووا لي شي ... كل اللي سووه تحاليل وأشعة بس .. عندي موعد اخر هذا الشهر ( 25/5/1427هـ) ...
ها وش رايكم ذبحني التفكير .. أنا نفسي اسافر وخايفة على مواعيدي

و حاجة أخرى : كيف أجعل زوجي يطلع لي كلمات الحب و يهتم فيني و يخلينا نطلع علشان نغير جو أو نسافر سوى مع اني أقوله السفر معاك متعة ووناسة عندي ورح اكون سعيدة لو نسافر سوى كيف اجعله يهتم في علاج للحمل ( معقوله في رجال ما يحب يشوف عياله ) .. و ما يقعد طول وقته طفشان تعبان مع أني اوفر له سبل الراحة واللي يزعلني أكثر أن لما يصحى من النوم وأتقرب منه بعد ما يكون صحصح .. و أحاول اطبطب عليه و أقبله ( اعذروني ) و ألمسه ...يقولي تكفين بعدي عني .. الله يرحم والديك .. أبغا أتفرج ( على التلفاز يقصد ) .. بصراحة أنا أحيانا أبعد على طول و أظهر تضايقي بس ما يهتم ... يقولي أنا تعبان .. أنتي فاضية .. وعلى فكرة لما يقولي بعدي عني .. اتركيني لوحدي .. أنتي فاضية .. أحاول أني ما أتقرب له و أحاول اطنشه زي ما يطنشني .. بسسسسسسسس ما قدرت أنا أحبه كثيير و نفسي أتقرب منه كمان علشان أنا قاعدة بروحي في البيت يعني ما عندي إلا هو ..

الله يعين على كل حال

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب