بيبي قول احلا مسا ...
والدك الله يرحمه ..ويرحم جميع الموتى المسلمون ...
بصراحه قصتك فيها شبه من قصتي..انا مش متزوجه ، بس انا كمان والدي مات من فتره قريبه الله يرحمه ...درجة تعلقي فيه ما بعلمها الا الله ...والله العظيم اني ما في ليله بنام وبتذكره وبقرأ اله القران ...وانا للعلم لما مات والدي ما كان فيه اي شيء ..بس اجله وانتهى ..الروح طلعت بإيدي وايامها ما كان في البيت غيري معاه ..يعني انا شفت الزبد اللي بطلع من الميت يعني انا وضعت في موقف لا احسد عليه...وانا عمري 22 سنة ..يعني مهما صار بحياتي مستحيل انسى هالموقف لو شو ما صار موقف كتيير صعب..
وبعدها زي ما تحكي صارت عندي زي صدمه ، اول شييء فقدان الوالد اللي هو السند إلنا وما عنا غيره انا وإخواتي البنات.
وتاني شيء لحظة ما فارقته الروح وهو بين إيدي ...وما عندي حدا بالبيت و لا حدا كان يرد علي كان تاني ايام عيد الفطر...
انا كنت منهاره لدرجه...الله يرحمه ..بس بعدين صرت افكر ليه استسلم ؟؟الموت حق ومكتوب علينا كلنا ..وكلنا راح نموت وهو الله يرحمه ، بس اهم شيء اني بضل أقرأ اله سورة ياسين لانها بتخفف من عذاب القبر عليه..وبعدين كملت حياتي أعطاني والدي السمعه الطيبه والشهاده والحمدلله...طيب انا مفروض ما اضيع تعبه على الفاضي،لازم ارفع راسه كإنه موجود، وراح اتزوج وحياتي راح تمشي كإنو موجود معي وأكتر..
وانت يا اخت بيبي قول ما تخلي موت والدك انو يأثر على حياتك الزوجيه ، مات الله يرحمه ما راح اشي ينفعك لا دموع ولا ندب ...
وكلنا راح نموت ومصيرنا الموت ، هيك سنة الحياه...
كل واحد عنده ذكريات وعنده مآسي ،الوالد الله يرحمه اكيد كان نفسه تتزوجي واحد كتير كويس والله حقق امنيته ، فانت ليش تدمري الامنيه اللي كانت بنفسه للمرحوم ...
قوي ايمانك بربنا وحاولي انك تسعدي زوجك وما تنسي الدعاء للوالد ...وقوي عزيمتك وإراداتك بلاش تخسري لاسمح الله زوجك ،،
لانه الله بحبك كتير اعطاكي واحد يعوض عليك غياب الوالد ...خلص تغيري ..عيشي ليومك لانو حرام حتي اللي عاملاه بنفسك ،والله راح يحاسبك على تعذيبك النفسي لحالك وخلي ايمانك قوي كتير بالله واستسلمي لقضاءه ..
الله بوفقك ويرحم الوالد وجميع موتى المسلمين ..
واتكلي على الله