بعد آخر رد لي صليت ودعيت ربي يهديه ورسلت رسالة شوق لزوجي والصبح رسلت له اني احتاجله واريده يتصل علي
اتصل وكان عادي مب زعلان وكانه ما يتذكر اللي صار امس (اعتقد مية المية انه ما عرفني امس والاخ اللي قال ان الفنادق ما تعرض بنات الهوى غلطان لان زوجي قالي كذا مرة ان البنات يجوا يدقوا الباب ويعرضوا نفسهم)
والمهم تكلمنا زين
بعدين قلت له تذكر لما زوجة صديقك رسلت لك تهديد بالمسج انها تخرب بيتنا؟
قال نعم
قلت له هي خبرتني انها بس كانت تخوفك وانا صدقتها
وانها ظلت تعطيني معلومات عنك غلط يعني راعي بنات ومن هذا وخلتني اكتوي بالغيرة والشك والحين انا صدقتك هي فعلا تريد تخرب بيتي
قال انا قلت لك من البداية ان هذه الحرمة مب زينة ولازم تتجنبيها وانه حس اني متغيرة عليه الفترة الأخيرة وانه كان تعبان وملان مني بسبب الغيرة الزايدة
وقال لي انها حاولت معاه تتصل وترسل مسجات وهو ما يرد عليها لانه في قناعته انه ما يقرب من زوجة اي ريال خوفا ان الله ينتقم منه فيني ويمكن هذا السبب اللي خلاها تتعرف علي وتحاول معاي لان زوجي ما عطاها وجهه

المهم سألته كيف اقطع علاقتي معاها اخاف تنتقم مني وتتصل بك او ترسل لك مسج بمعلومات غلط عني علشان تكرهني
قال انه يتوقع منها هذا الشي بس هو ما راح يصدقها ابدا لانه يعرفها كذابة
الحين انا ما برد على مسجاتها وبطنش مكالماتها لحد ما تتوقف
بس بعدني خايفة لانها تعرف اهلنا لانها من المعارف البعيدين وما كنت اعرف هذا الشي الا بعد ما تعرفت عليها بفترة
واخاف تفضحني