منتدى عالم الأسرة والمجتمع - عرض مشاركة واحدة - هل فكرت بمقدار جمالك قبــــل أن تطلب فتاة ذات حسن وجمال,,,

28-05-2006, 11:25 AM

#19

موحتارة

عضو نشيط جدا

تاريخ التسجيل: Jun 2004

المشاركات: 512

صح كلامك هذا اللي كان ببالي من زمان

بس اللي قهرني اكثر بالموضوع اللي يشوف بنت وبعدين يقول ماعجبتني ويحط رجله !!

خير ان شالله بنات الناس فرجه داخل بقاله الاخ ؟ ماهي انسانه ولها احساس مشاعر
والله حرام

اعرف بنت تقول لي عن اخوها انه خطب خمس بنات كل مره ينحاش بعد الشوفه الشرعيه .. تقول انهم ماهم بالجمال الفائق اللي هو متخيله !!

المشكله انه هو شكله اقل من عااادي بكثييييير الحمدلله والشكر

انا انقهرت مرره وعصبت قلت لها يرضى اخوك احد يجي يتفرج على اخته كنها بضاعه ويطلع .. اجل ليش يسوي كذا ببنات الناس ؟؟

نصيحه للشباب قبل لايجلسوا يحطوا شروط تعجيزيه.. بس نظره وحده للمرايه تكفي

الاخ فارس من زمن اخر
من يقول انو الجمال للرجال ماهو مطلوب؟؟

ان الله جميل يحب الجمال.. والبنات معروفين بحب الزينه والجمال
واكيد كل وحده تتمنى رجال يملى عينها.. لانه هو الشخص اللي راح يعيش معاها وياكل ويشرب وينام معاها
وراح تصبح بوجهه وتمسي بوجهه

وهو الشخص اللي راح يعفها عن الحرام عشان كذا اكيد ماتتمنى عينها تطلع بره

انا بالنسبه لي صحيح الوسامه في الرجل حاجه حلوه بس الاهم منها النظافه والاناقه والريحه الحلوه والادب واللباقه في الكلام

هذي الاشياء اللي تخلي اي رجل حتى لو كان جماله عادي يصير ملك جمال

الله يرزقنا ويرزقكم الازواج الصالحين والذريه الصالحه
تحياتي