فكره راااائعه ..
لكن للأســـف زوجي انسان يحبط الي ما ينحبط ...
كثيـــــــرا ما حاولت اني أسويها .. والله أترجاه ايتم في البيت وما يطلع في يوم واحد ع الاقل في السنه عشان يجابلني ونلعب ويا بعض ورقه أو دومينو أو نشاهد فيلما أو أي شي .. لكنه ايقولي انتي فاااضيه وانا مالي خلق لهالسوالف ...؟؟؟
ودايما اقوله تراك تيلس ويا ربعك وتلعب وياهم في المقهى او البليارد اشمعنى انا ..؟
بكل ( وقــاحه ) ايرد ويجرحني والله ..."" ربعي غير والجلسه مع الشباب غييير انتي حرمه "" ؟؟
وعندما يحتد النقاش يقول المرأه مكانها البيت ولشغل البيت وللجنس ...؟؟؟
وتريدوني أن أخصص له يوم ...؟؟
والله ما خليت شي ما حطيته .. المشكله اني أحبه ليش ما أدري ... يمكن لاني اشوف الجانب الطيب الي فيه .. صح انه حنون لكنه ما يرق قلبه غير يوم يبى شي ...للأســـف ..
لدرجه اني طبعت بطاقات عتاب من الكمبيوتر ولصقتها على جدران الغرفه والكبت وقراها بدون أي اهتمام ولا تأثر ..؟؟
حتى في سيارته حطيت له بطاقه مع ورده فيها كلمات بأني أعاني من الملل وأحس بالوحده وباني أنا و ولده نفتقده .. و والله اني انجرحت من رده فعله وندمت لانه ضيعت وقتي على شي بدون فااااايده ..
حتى الصابون في الحمام حفرت عليه كلمات شوق و لهفه ولكنه حتى ما فكر ايعلق بكلمه وحده ...؟؟
بذمتكم هـــذا يستحق ايكون زوج أو أب ....؟؟؟؟؟؟
وألـــــــــف شكر لك يا أخ صـــالح على هالموضوع ..ولكني أنسحب بكل هدوء من الجلسه ..